Jisálamu 42:4 - O Mikanda Ikola

⁴ Kienhiki ngʼila ki xinganeka, muẋima moxi ua ngi botomoka; kioso ki nga kexe mu kuila kumoxi ni kifuxi, nga mu ia ni akuetu mʼonzo ia Nzambi, ni dízui dia ngalasa ni kuximana, tua vulu tuala mu bhanga fesa!

Jisálamu 42:4 Iomraidhean Croise

II Jisobha 18:30

ni ngó ue bhuʼofele, Ezekiia ka mi dielelese kua Jihova, kuamba: Kidi muene, Jihova ua-nda ku tu bhulula, o mbonge iii ka-nda ku i bhakula bhu maku ma sobha ia Asídia.

II Jisobha 18:32

Katé bhu ngʼijila mu ku miʼambata ku ixi ia di-fuangana ni ienu-iene; ixi ia tiliku ni uálua; ixi ia mbolo ni vinhu; ixi iezala midívua, ni maji, ni uiki; o kuenhoko mua kà kola muenhu, ki mu-fu, kana; o Ezekiia-phe ki muende ni ku muʼivua; mukonda uandala ku mi balukisa, uixi: Jihova ua-nda ku tu kudila.

II Malunda 7:10

O mu kizuua kia makuinhi aiadi ni kitatu, ku mbeji ia kasambuadi, kiene Solomá kieha kiua o kituxi ku vutuka ku mabhata mâ, a sanguluka, o muẋima ua tana, mukonda dia mbote ia bhange Jihova kua Davidi, ni kua Solomá, ni ku mundu uê ua Izalaiele.

Jobe 29:2

Ai-ué, taté! Ki ngi tundila kuebhi, o ku kalaʼmi dingi kala ki nga kexile mu jimbeji ja bhiti, kala mu izuua ia kexi mu ngi langa Nzambi!

Jisálamu 100:4

Bokuenenu bhu mabhitu mê ni kusakidila, mu tule mu malumbu mê ni mimbu ia kuximana; ximanenu ni ku tumbula o dijina diê,

Jisálamu 102:10

Kifua nga ku iibhila kiá, ua ngi zembe kiá mukonda dia njinda ié; kuma eie uedi kala ua ngi zangumuna, eie ua ngi texe.

Jisálamu 115:2

Phalahi ki bhinga matumbu a kèla, Nzambi iâ iú kuebhi?

Jisálamu 122:1

Nga sanguluka kioso kia ngʼambela, exi: Tu bandienu ku onzo ia Jihova.

Jisálamu 122:8

Mukonda dia jiphange jami ni makamba mami, nginda muene a kale ni kubhanduluka.

Jisálamu 55:14

Ki tua kexile tu di kunda maka mambote; tuendela kumoxi mu kuia ni mundu mʼonzo ia Nzambi.

Jisálamu 62:8

Enu mu mundu, di fiiadienu Nzambi mu thembu joso; lundululenu o mixima ienu kua muene; kuma Nzambi muene dilengelu dietu. (Selah.)

Jisálamu 79:10

Phalahi o matumbu a kala mu kuila, exi: Nzambi iâ iú kuebhi? A vutuile o ditota dia manhinga ma ẋamuna ma jiselevende jé, o matumbu a kʼijiie, etu ue tu ki mone ni mesu.

Jisálamu 80:6

Tua di bhange tu kikuma kia jimvunda, muʼaxaxi ka athu u tua tungu-nâ; o jinguma jetu ji tu bhanga kasekelu muidiʼâ.

Izaía 30:29

Muʼaxaxi kenu-phe mua-nda ku kala muimbu kala mu usuku ua kutulula o kizokola kikôla; muẋima ua-nda ku mi sanguluka kala muthu u xika ngaieta mu kuiza ku mulundu ua Jihova, kua Ndanji ia Izalaiele.

Kuditenda 2:19

Balumuka, udikole muene mʼusuku, bhu diandekelu dia ilangidilu: Lundulula o muẋima ué kala menha bhu pholo ia Jihova Leka maku mé kua muene, u diondele o muenhu ua tuana tué; a kuata kuambukila ngó mu jiphambu-a-njila ja jinzunga joso, kingumba o nzala!

Kuditenda 4:1

Kuahi ngó o kuhimba kua himbi o ulu! O ulu ua fina ua uabhele kiambote, o kiki ua lunguluka ni uene, tata! O matadi ma dibhezelu dia ngene di kola a ma muangena mu jithungi ja jinzunga joso, enu mala!

Izekiiele 46:10

Kioso ene kia bokona, o kilamba ue u bokuena muʼaxaxe-kâ; o kioso ene kia tunda, muene u tunda ue.

Jouele 2:17

Dilenu, enu mu jinganga, mu akunji a Jihova, didilenu bhu kaxi ka kitelembe ni kalatódio, muile: Kondeka athuʼé; eie u Jihova undundu ué kana ku u bhakula mu lusebu, mbebhu miji ki i tu te môndo; kuma mu kaxi ka ifuẋi a kiʼambela-hi kuila: Nzambi iâ iú kuebhi?

Nahumu 1:15

Talesenu kiá ku milundu, o inama ia ió ua mu bheka o jingolokela ja njimbu iambote, o inama ia ió ukola o kutululuka. Eie Juda, bhanga kiá o fesa jé, kumbidilenu o jihasa jenu kua Nzambi, mukonda abhumu kà ka tona kubhita dingi moxi ienu. Ngà a bhuikisa-ku kiá.

Luka 16:25

Mbalahamu ua mu kumbulula-phe, uixi: Mona, lembalala kuma ku muenhu ué, eie ua tambuile ngó jimbote, mu jimbote. O Lázalu ue ua tambuile o jiphaxi. O kiki-phe muène kunu ua tululuka, kuma ua tambula ima iosuʼiii i ua di muena; eie-phe ua xixima.

Matendelelu 16:11

Kienhokio-phe anga utana ni kusanguluka bhu pholo ia Jihova Nzambi ié, eie, ni monʼé ua diiala, ni ua muhatu, ni selevende ié ia diiala, ni ia muhatu, ni levita uoso uatungu-nê mu mbonge ienu, ni nzuángiza, ni monʼa difundu, ni mutudi; oso kia u uatungu-nâ, bhu kididi kioso bhua solo Jihova Nzambi ié kukala dibhata dia Dijina diê.

Lute 1:21

Ngele ni maku ezala, kiki Jihova-phe ua ngi bhangesa kuvutuka ni maku ahatu; Phalahi ngoho mu ngʼila Nouemi ki ngalʼiki, mua mono Jihova ua ngi tundila kala ngi nguma iê, o Muteni-a-ioso ua ngʼizalesa ni dilamba?