Jisálamu 42:2 - O Mikanda Ikola

² Muenhu uami ua ngʼizala ni dinhota dia Nzambi, o Nzambi ia muenhu; kizuua kiahi ki nga kà bhixila, hé ngi di bhakula bhu pholo ia Nzambi?

Jisálamu 42:2 Iomraidhean Croise

Jobe 23:3

Uaué! Tamanu ngʼejidile kuoso ku ngi tena ku mu sanga! Hinu ngeji ku bhixila bhu difundisilu diê.

Jisálamu 27:4

Kima kimoxi ki nga bhingi kua Ngana, kiene ki ngi bhindamena jinga: o kutunga mʼonzo ia Jihova izuua ioso ia muenhu uami, mbé kutala o kuuabha kua Ngana, ni kudilonga jinga maka mu Tembulu iê.

Jisálamu 43:4

Phala ngi bhixile bhu kalatódio ka Nzambi, kua Nzambi uène o kusanguluka kuami kua dikota; o mu ku ku ximana, ngi ku imbila ni kakoxi, u Nzambi, Nzambi iami, tata!

Jisálamu 63:1

Ngana Nzambi, tata, eie u Nzambi iami; eme ngi di meneka muene mu ku ku sota; muẋima uami ua ku kala ni dinhota; oʼxitu jami ja ku kala ni hânji iavulu, mu ixi iakukuta, iabhuila, iedi ni iene thokon! mua bhingi ki mu moneka menha.

Jisálamu 63:3

Kuma o henda ié kota, muenhu ndenge; kiene mizumbu iami ki i ku ximanena.

Jisálamu 84:10

Kuma kizuua kimoxi ku lumbu lué, kota, o midi ku bhata diengi, ndenge! Ngʼinda ngi kala ngi muthu ua kuimana ngó bhu muelu uaʼnzo ia Nzambi iami, ki ngʼindi kutunga ku mabhata ma akua phulu.

Jisálamu 84:2

Muenhu uami moxi uala ni hânji, ua-lu sota muene kusénduka, mu kuinda kukala mu lumbu lua Jihova; ni muẋima uami, ni xitu iami, ia dikola ni vondadi ia eie u Nzambi ia muenhu,

Jisálamu 84:4

A lungu-â oso a tungu mʼonzo ié; a kala jinga mu ku ximana sé kuzumbuka. (Selah.)

Jisálamu 84:7

Mu kuenda kuê ku tunda nguzu kuiza nguzu, katé kia bhixila; kuma ene oso a kala kiókio, a kà mona o pholo ia Nzambi mu Ziione.

Makatukilu 23:17

Lutatu ku muvu, mala enu oso a di bheka bhu pholo iami, ngi Jihova.

Izaía 26:8

Eie Jihova, tuala ku ku kingila katé ni mu jinjila ja matetuluilu mê; o ku ku tumbula dijina ni ku ku-inda, iene o vondadi ia miẋima ietu.

Jelemiia 10:10

Maji Jihova, muene Nzambi ia kidi-èlele; muene-muène Nzambi ia muenhu, muene Sobha ua kalelà-ku; mukonda dia njinda iê oxi i tunguta, o ifuẋi-phe ilémbua kuximbakata ki mu kuata o kutema.

Jelemiia 2:13

Mukonda mundu uami abhange ima iiadi iaiibha: edi eme a ngi-xi, ngi otho ia menha ma muenhu, ia a kande ixima, ixima iene ia budika, ia kuata o kubhubha ki ia tena kuxikika menha.

Daniiele 6:26

Eme nga bhana ngonge, kuila, oso a tokala mu jixi ja usobha uami, ende ni kuteketa ni kuxila o Nzambi ia Daniiele; mbata muene o Nzambi ia muenhu u xialelà-ku, o utuminu uê kene ku u jima, o ungana uê ua kalʼê katé ku dizubhilu.

Nzuá 5:26

Kala Tata muene, kiedi muène Otho ia muenhu, kiene ue ua bhana Mona kukala ni muenhu moxi, diêmuène.

Nzuá 7:37

Kizuua kia kuzumbuka, o kizuua dia dikota kia fesa, kizuua kienhókio Jezú uemana, anga u di kola, uixi: Se muthu uala ni dinhota, eze ko-kuami, nda anue.

I Tesalonika 1:9

Kuma ene mudiâ a ki fumanesa kioso etu ki tuende mu kubokona mu ʼaxaxe kenu, ni kioso enu ki mua tu tambulula kiambote, enu mua biluka, muaxi o iteka, enu mua kane o ku di tuma ni Nzambi ia kidi, ia muenhu.

Josuué 3:10

Josuué uixi: Kiene ki mu kʼijidila, kuma Nzambi ia muenhu muala-nê muʼaxaxi kenu, mukonda muene sé ngó kufula, ua-ndu kaia bhu pholo ienu akua Kanana, ni Mahiti, ni Mahivi, ni Mapelezi, ni Jijidingaze, ni Mamodi, ni Majebuzi.

Dijingunuinu 22:1

Anju anga u ngʼidikiza ue o ngiji ia menha ma muenhu, mazele kala kidistalo, i fuafua bhu kiandu kia Nzambi ni kia Kambudi,