Jisálamu 41:9 - O Mikanda Ikola

⁹ Katé ni kuphatele kuami, kamba dia muẋima, ió muene nga mu dielela jinga kiavulu, mukua kudia ku meza mami, ua ngi te ue o musónde ua ku ngi bhana kibhalu.

Jisálamu 41:9 Iomraidhean Croise

II Samuuele 15:12

Abisalone anga u tuma Ahitofele mukua Ngilo, ua tokala mu makota ma jitata ku kifuandu kia Davidi; u mu tuma ku bhata diê ku Ngilo, kioso muene kiala mu bhana jisata. O kikutu kia ufe anga ki-ia ni ku kala kikutu kia nguzu; o mundu anga enda ni ku di bandekeza jinga kua Abisalone.

Jobe 19:13

Jiphange jami ua ngi tela-ju dikanga, oso a ngʼijiia a ngi muangana kala athu engi.

Jobe 19:19

Athu oso makambʼami a muxima a ngi kiti ngi kima kia malebhu; katé ni iá u nga zolele muene, a ngi kitukila.

Jisálamu 101:3

Ki ngi kala ni kima kia ufusa ku mesu mami; imbamba i bhanga ió adianguka, nguami na-iu! Né i sota ku ngi naminina, ngi i kukumuna.

Jelemiia 20:10

Mukonda nga mu kuívua ki ala kulongolola o mundu, o ku mbandu joso ku kuata uoma, exi: Tu ambelienu-kiu etu tua kà mu tungunune; katé ni iá u nga di bhana-nâ ala ku kinga o kubhendujuka kuami, exi sumba u kala ni bhua tolokela; bhene-phe kiá bhu tua-nda ku mu kuatela, tu mu bhuile mabhukubhuku.

Obadiia 1:7

Makamba mé ma akua jixi jengi ma ku xinjikila ni ku ku bheka ku kanga katé kia ku tubhula mu mbambe; oso a dielela o kutululuka kué a ku nganala katé kia ku lende; o ene kúdia ku mbolo ié, lelu a ku tela mubhetu mu inama; eie-phe ua lémbua ku kʼijiia.

Mikeia 7:5

Kana kuẋikina ki ku tangela o dikamba, o kazola ké kana ku mu dielela; katé ni mabhitu a dikanu dié ku a jikuile o muhatu ua zeka bhu jihata jé.

Matesu 26:23

Kuala muène: Uoso ngala kumama-nê mbolo bhu dilonga, muène uanda ku ngi thelekala.

Nzuá 13:18

Ki ngi mi tange-phe enu oso, mukonda ngʼejiia oso nga a solo. Mbata kia bhingi-phe o maka mòsoneke mu Mikanda ia Nzambi ma bhita, ma kuila: Ió mukua kúdia ku mbolo iami, kiki ua ngi kitukila.

Matendelelu 32:15

Maji Kazola kami kia zubha kiá o kuneta, kua mu iza kiá kubhana isènde: Ua nete, ua hangula! Ua di dikila ni ima ianete! Iu uaxʼiê kiá Nzambi iê, ua mu bhanga. Uate dikunda ku Tadi dia Muenhu uê, di mu bhana o kubhuluka!