Jisálamu 40:8 - O Mikanda Ikola

⁸ Nga sanguluka mu kubhanga ki ua mesena eie u Nzambi iami; xi, mbata, o ngonge ié ia ngi kala moxi dia muẋima.

Jisálamu 40:8 Iomraidhean Croise

Jobe 23:12

Ku kijila kia mizumbu iê, tundeʼami ukulu kiluua ngi tunda-ku; o maka ma dikanu diê, ma beta ku ngi uabhela o kúdia kuami ndenge.

Jisálamu 112:1

Haleluia! Ua lungu o muthu ió uene ni uoma ua Jihova, ua bhindamena kuijiia kiambote o ijila iê,

Jisálamu 119:16

O kutonoka kuami, ngi suka bhu mbambe ia mixinda ié; o maka mé ku muẋima uami, ka-nda kúbhua-ku.

Jisálamu 119:24

Maumbangi mé ue mene ma ngi kala mu vondadi, mene ma di bhange o jindongixi jami, ji ngi bhana o kaiula.

Jisálamu 119:47

O kutonoka kuami, mbambe mu itumu ié; kuma ioso eie i ua tumu, iene ia ngi uabhela kiavulu.

Jisálamu 119:92

Se nga kambele vondadi ia kukala mu ngonge ié, hinu nga buila kiá ukulu, mu kaẋi ka jiphaxi jene ku ngʼiza.

Jisabhu 3:1

Monʼami, ngonge iami ku i jimbe, o muẋima ué ubhake ijila iami.

Jelemiia 15:16

Maka mé kioso ki nga ma sange, nga ma di lusolo, kuma maka mé ma ngi kala kutana ni kusanguluka mu muẋima uami; kuma a ngi luku dijina dié, eie u Jihova, Nzambi ia Ilombo Ieta.

Jelemiia 31:33

Maji o kiki kiene o kikutu ki nga-nda kuta ni bhata dia Izalaiele, kia-nda kúbhua o izuuʼoio, Jihova ua ki tange: Nga kà ta o kitumu kiami mu thulu iâ, nga kà ki soneka muene ku muẋima uâ; eme nga kà kala ngi Nzambi iâ ene a kà kala mundu uami.

Nzuá 4:34

Jezú ua ambela, uixi: Kúdia kuami, o kubhanga vondadi ia ió ua ngi tumu, ni kuzubha o kikalakalu kiê kia ngi bhana o kubhanga.

Loma 7:22

Ngejiia kuma moxi diami nga sangulukila o Kitumu kia Nzambi.

Loma 8:29

Kuma oso Nzambi a diangele ku ejiia, ua a tungula ukulu, phala a kituke mu kidifua kia Monʼ ê. Muène ua bange kieniiki phala o Mona nʼ a kale thungunu mu jiphange javulu.

II Kolindo 3:3

Kiene-phe! Kristu muene ua soneka o mukanda uenhú, iú ua u tumikisa nʼetu. Uene ki uòsoneke ni tinda, ku mabaia ma matadi, maji ku miẋima ia athu, ni Nzumbi ia Nzambi ia muenhu.