Jisálamu 40:6 - O Mikanda Ikola

⁶ Kusata mienhu, ni kubhakula idima, eie ki kuene kua ku uabhela, kana; maji, bhenhobho ua ngi xitununa o mátui; sata ia kuoha, ni ia kuluulula, ki iene i ua ngi bhingi.

Jisálamu 40:6 Iomraidhean Croise

Jobe 33:16

muene-phe u jikula o mátui ma athu, anga ioso ia a longa u i jika kidimbu.

Jobe 5:9

Muene u bhanga ima ia makota i bhonza ku ijiia, ni isunji iavulu ki i xikina ku i tanga.

Jisálamu 139:17

Ilunji ié, u Nzambi, i ua ngi xinganeka na-iu, kima kia kulalula! se ngedi ngi i kuata konda, ki ngi i tena, kuma iavudilà-ku!

Jisálamu 139:18

Ku i kuata mu kimoxi-kimoxi, kuvula kua kisekele ndenge; ngʼila ngi tunda mu kubhuuama, hanji ngala bhu ualʼeie.

Jisálamu 50:8

Ki ngi ku bazela, kana, kuila ua fulu ku ngi satela; jisata jé ja kuoha izuua ioso nga ji mono.

Jisálamu 51:16

Kuma eie kua ngi xindi sata ia kibhaku, hinu nga i bhana muene; eie, Ngana, kibhaku kia kuohela mu túbhia, ki kia ku kala mu vondadi.

Jisálamu 71:15

Dikanu diami di tanga jinga o kukumbidila kué, ni kubhulula kué, mu kumbi dioso dia kambàmba; sumbala o konda iê nga i lémbua ku ijiia.

Makatukilu 21:6

ngana iê-phe u mu bheka bhu pholo ia afundixi, anga u mu bhiẋidisa ku dibhitu, mba ku mikangalu ia dibhitu, ngana iê bhenhobho a mu kubule dítui ni sovela; u kala-phe kiá mubhika katé bhu ufuilu.

Izaía 1:11

Eme Jihova, uambe, o ilunga ienu ia jisata i ngi bhandululaʼhi? Ngedi ni mibhaku ienu ia jimbudi ja kuoha, ni ia matheka ma ibhaku ia jisevadu, ia ngi kumu, manhinga ma jingalote, ni ma jiseseme ja jimbudi, ni ma isutu ia jihombo, mene moso ki mala ku ngi uabhela dingi.

Izaía 25:1

Jihova, Tata, eie muene u Nzambi iami; ngi ku zangeleka muene, o dijina dié ngi di ximana jinga, mukonda ua bhange madiuanu; ima i ua tanga, mʼukulu kidi, iakuata, iakolo.

Izaía 66:3

Uoso u jibha ngombe ia sata, mukuâ ni ua jibha muthu; uoso u satela kambudi, mukuâ ni ua batula ómbua xingu; uoso u bhana mubhaku ua musa, mukuâ ni ua bhakula manhinga ma ngulu; uoso u ximika fumasa ia dizumba, mukuâ ni ua benzela dihamba. Mbata eneʼâ ue ala kusola jinjila jâ-ene, muẋima uâ ua sendukila ku ima iâ ia ufusa.

Hozeia 6:6

Kuma Eme nginda o kukuatela henda, ki ngindi sata; o kuijiia Nzambi ue kota, o kuoha ibhaku ia jisata, ndenge.

Amoji 5:22

Né-mbe mu ngi bhakuila jisata jenu ja kuoha, ni mibhaku ia makudia, ki ngi tena ku i tanena; o ku jisata jenu ja uembu, ja ibhaku ia nete, ki ngi suu-ku, mba ngi tala-ku diesu.

Matesu 12:7

Enu se mua kʼijidile kioso ki kia jimbulula mu Mikanda Ikôla, kuila: Nginda o kukuatela mukuenu henda, ki ngindi sata, hinu ki mua tena kulongolola athu a kambe kikuma.

Matesu 9:13

Ndenu-phe mu di longe kioso ki kia jimbulula, kuila: Nginda o ku kuatela mukuenu henda, ki ngindi sata; kuma eme ki ngeza mu kuixana athu aiuka, maji akua ituxi.

I Samuuele 15:22

Samuuele-phe, uixi: Kifua ki uabhela kiavulu Jihova maujitu ma kuoha ni jisata, inga ki mu uabhela o kutumaka dízui dia Jihova? Mukonda, o kutumaka kota, kusatela ndenge, o kubelesela ue kota ki ku soko ni banha ia jimbudi.