Jisálamu 4:6 - O Mikanda Ikola

⁶ Sai athu avulu ala kuila: Tu sanga kuebhi o kibhuku? Jihova phe tu bhetukile ngó o pholo ié, kubenha kué ku tu tule.

Jisálamu 4:6 Iomraidhean Croise

Jisálamu 119:135

Pholo ié i ngi muikine ngi selevende ié, uende ni ku ngi longa kioso ki tu di tuma.

Jisálamu 21:6

Mbata eie ua mu bhana kuzediua kunangenena; ua mu vudixila ngalasa iê mu kukala bhu pholo ié.

Jisálamu 39:6

Kidi muene, muthu kinzúnzumbia mu kunhunga kuê; u talê ngó hadi ni kututumba; u lunda nzungule ia jimbongo, maji kʼejiia uoso hinu u ji dia.

Jisálamu 42:5

O kiki, ua bhuidila-hi muẋima uami? Ua Zôndela-hi moxi diami? Dielela kua Nzambi, hinu ngi mu ximana dingi, hinu ngi bhanduluka dingi mu kumona o pholo iê.

Jisálamu 44:3

Kuma ixi ka i tambula ni xibhata iâ ene, lukuaku luâ ene ki luene kua a bhana o uzonda; maji o lukuaku lué, ni nguzu ié, ni kubenha kua pholo ié, mukonda eie ua a kala ni kiadi.

Jisálamu 67:1

Nzambi a tu lendukile, a tu bhane o dibesá, a bhangese pholo iê ku tu muikina; (Selah.)

Jisálamu 80:19

Tu bhetule dingi, Jihova, u Nzambi ia ituxi; tu idikize o kubenha kua pholo ié, phala tu bhuluke.

Jisálamu 80:7

Tu bhetule dingi, eie u Nzambi ia ifuẋi; tu idikize o kubenha kua pholo ié, phala tu bhuluke.

Jisálamu 89:15

Athu ió azediua ejiia o nzòngo ié ia ngalasa; enda jinga muene, u Jihova, mu mukengeji ua pholo ié.

Izaía 55:2

Kitadi kienu mua mu ki zangela-hi ku ima ia ngoho ki kúdia? O ima i tunda mu ikalakalu ia maku menu anga mu i zangela ngoho mu ioio ki i tena kuikutisa? Kuatenu kilunji mu ngʼivue, nda mu die kiauabha, o muenhu uenu u tane ni ima ianete.

Malakiia 3:3

Muene ua kà xikama mu kuzunza ni kuzelesa o phalata; anga ua kà zelesa o muiji ua Levi, hé ua kà u bhuisa dixilu mukuâ ni kia zunza o ulu mba phalata; mu kienhókio a kà bheka kua Jihova maujitu ma kuiuka ni kidi.

Dialuilu 6:26

Jihova a bhetule pholo iê ku thandu dié, a ku bhane o kutululuka.

Luka 12:19

Anga ngambela o muenhu uami, ngixi: Eie muenhu uami, ua zediua! Mukonda uala ni jimbongo javulu, jòbhake phala nzungule ia mivu. Nhohé kiá, u die, u nue, u sanguluke!

Luka 16:19

Jezú hé ua ambela dingi, uixi: Kua kexile mukua-itadi, u zuata jinga izuatu i kusuka ni linhu ia fina, izuua ioso u kala mu kúdia kiambote muene, ni kubhanga fesa ja makota.

Matendelelu 33:19

Enhá kiiadi kiâ a kʼexana ifuẋi ku mulundu. Kuenhoko kuene kua kà bhakuila mibhaku ia kuiuka. Mbata a kà bha jimbote janzungule jene ku misanza ia kalunga, ni ma-umvama mʼosueke mu museke.

Tiiaku 4:13

Kindala ivenu, enu mu akua kuila: Lelu mba mungu tuia ku mbanzʼoko, tu bhanga-ku muvu mu uenji, tu nganhale kitadi kiavulu.