Jisálamu 4:2 - O Mikanda Ikola

² Enu malʼenu, mu ki jijidila-hi anʼathu, tata, o ku ngi jingununa ni ku ngi sebulula? Mu suka katé bhebhi ni kuzola malebhu, ni kubhindamena makutu? (Selah.)

Jisálamu 4:2 Iomraidhean Croise

Jisálamu 106:20

A xia ió ukôla, ua a bhana kijingo, a kôlesa o kidifua kia ngombe, mukua kúdia iangu.

Jisálamu 14:6

Ngadiama uandala kuzuela, enu-phe mu mu tobhesa, maji Jihova-phe muene dilemba diê.

Jisálamu 2:1

Phala-hi matumbu a salumuka kiki, madiembu ma fika kubhanga kimbamba kia ku di metena?

Jisálamu 3:3

Maji Eie-phe, u Jihova, u ngubu iami ia ku ngi xitila; Eie-muène u kijingo kiami, eie ua ngi bhetula o mútue.

Jisálamu 31:6

Enhó a ku kuma oso a landukila o iteka; eme bhabha-phe ngi dielela kua Jihova.

Jisálamu 5:6

Athu oso a tanga makutu; Eie hinu ua-nda kua kà a jima o mbutu; muthu uoso uaiibha ni manhinga, mukua kunganala akuâ, Eie u Jihova, ua ku ibhila muene.

Jisálamu 50:15

Nda u dikola ko kuami, mu kizuua ki kuiza o kutata; eme ngi ku kudila, eie anga u kala ni ku ngi ximana.

Jisálamu 57:4

Mukonda o muenhu uami ua batukila muʼaxaxi ka jihoje; nga zeka mu kaẋi ka athu a uama túbhia; anʼathu muene edi o mazu kenéne kala jisosa ni matoma, o dimi diâ dia soko ni xibhata iatu.

Jisálamu 58:1

Kífua mua zuela, kidi, enu mu afundixi? Muala kufundisa kiambote anʼathu mu ngongo?

Jisálamu 58:3

Mukonda akua kubhuma, a dianguka tunde mu mala; a zubha ngó ku a vuala, njila a i xi kiá a kuata kiá kutanga o makutu.

Jisálamu 63:11

Maji o muenexi-phe, u kala mu tanena kua Nzambi; kuma oso a di tuma ni muene, a lúnga; o dikanu-phe dia iá a tanga makutu, hádia di bhinga a kà di xita muene.

Jisálamu 72:2

Phala muene a fundise o mundu ué ni utuminu ua kidi, a batule kiambote o milonga ia jingadiama.

Makatukilu 10:3

Mozé ni Alá anga aia a bokona kua Falaó, a mu ambela, exi: O Jihova, Nzambi ia Jihebeleu uambe kiki: Eie u dituna katé bhebhi kutoloka bhu pholo iami? Eha o mundu uami, phala aie a ngi bhikile.

Jisabhu 1:22

Enu ilalu, ulalu uenu mu suka na-u bhebhi? Enu jisemenhi, usemenhi kifua ki mu ueha dingi? Enu mu ioua, o kuijiia mu di zemba na-ku, kuambe?

Ndongixi 8:11

Mukonda dia kuila o ibhangelu ioso ia ibha ka mu i fundisila-bhu kiá kindala, kiene kia bhangesa kuila o muẋima ua anʼathu ua lunguʼé kiá ngoho mu kubhanga kia iibha.

Ndongixi 9:3

Kienhiki kiene o kima kia iibha ku ima ioso iene mu ku bhanga Kulu-dia-Mundu; kuila athu oso ima i a bhita kumoxi; kuila ue o muẋima ua anʼathu uezala ufusa; o ku muẋima uâ ni ku muenhu uâ kuala ngó kutulumba ni kubhanga kiaiibha, hádia hé aia kiua muʼalunga.

Izaía 20:5

A kà bhuuama, sonhi ja kà a kuata, mukonda dia akua-Itiiópia, kidielelu kiâ, ni akua-Ijitu, a di bhange ene o thathe iâ.

Izaía 45:17

Maji Izalaiele u bhulukila kua Jihova, ni ubhulukilu unangenena sé dizubhilu; o mu kienhiki katé ku hádia ni hádia sonhi ki ji tena ku mi kuata, ki mu tena kukakuka.

Izaía 59:4

Ki bhuala muthu u dikola mu ku sota kulûnga, kana-bhu ue muthu u tukuluka mu kufunda phala kusota o kidi, a di-fiiala kingoho, o kuzuela kuâ o makutu; emita milonga, avuala ikuma.

Jelemiia 2:11

Kua kexi kiá kifuxi, ki tolokala jinzambi jê, kia di kalela kiua jene ki jinzambi? Maji-phe o mundu uami a tolokala o fuma iâ (o kimuenhu kiâ), iá a tambula kima ki ki bhandulula kima.

Jelemiia 2:5

Jihova uambe, kiki: Jitata jenu ja ngi muene ni mangonha ahi mu kufundisa, kia a bhekesa o ku ngi sondoloka kala kiokio, nʼa di te mu kaiela o lusebu katé kia kituka jisemenhi ja hatu?

Jelemiia 9:3

Oleka o dimi diâ kala uene o mufula uâ, mu kuta o makutu; a di suinisa maji ki phala o kidi, kana: mukonda a muia dingi ku pholo ni kubhanga usuéia mu usuéia, eme a lémbua ku ngʼijiia, Jihova ua ki tange.

Hozeia 4:7

Kala ene kioso kia di sokolola, kiene ue kia te o ituxi iavulu ko kuami; eme-phe nga-nda ku a lungulula o kijingu kiâ, hé a ka bonga malebhu ni jisonhi.

Jona 2:8

Oso a kaiela ukumbu ua kubheza iteka, ió a lueza, kuma a sanduka bhuʼotho ia henda ié ia kidi.

Dialuilu 14:11

Jihova anga u ambela Mozé, uixi: Mbambe bhebhi bhu suka kifuẋi kiki, ni ku ngi tènda? Katé bhebhi ni kukamba ku ngi xikana, ku thandu dia isuma ioso i nga kalakala muʼaxaxi kâ?

Jipoxolo 24:9

Jijudé anga ji mu kuatekesa mu kufunda exi imʼ iii ia kidi.

I Kolindo 1:31

Kala kiki, uila kia ki soneka mu Mikanda Ikôla, exi: Uoso uandala ku di thatha, a di thathele mu ima ioso i bhanga Ngana.

Efezo 4:25

Uila kiki, ki mu tange jinge dingi makutu. Maji mu di tangela jinga o kidi kala muthu ni mukuâ. Kuma etu oso tua di bhange tu idiandu ku mukutu ua Kristu.

I Samuuele 12:21

Kana kuabhuka mu kukaiela mahamba, mukonda se mu ki bhanga muandu kaiela ima ia ngoho, ki i tena kubhandulula, ki i tena kukudila muthu, kuma ima ia kingoho.