Jisálamu 39:9 - O Mikanda Ikola

⁹ Ngedi nʼemuene húdi, ki ngi zuela kima; kanu diami nga di jika mukonda eie ua ki bhange.

Jisálamu 39:9 Iomraidhean Croise

II Samuuele 16:10

Sobha-phe, uixi: Eie kia ku kuatela ni kima kiahi, eie u monʼa Zeluia? Muehienu a xinge, kala kia mu ambela Jihova muene kuila: Xinga Davidi. Abha-phe se kiene, nanhi dingi u tena ku mu ila: Phalahi eie uala mu bhanga kiki?

Jobe 1:21

Uamba, uixi: Ngeza ni tuẋi mu mala dia mamʼetu, hádia ue nga kà vutuka ni tuẋi kuenhoko; Ngana ua bhele, Ngana ua tambula; dijina dia Ngana a kale mu ku di ximana jinga!

Jobe 2:10

Maji muene u mu vutuila, uixi: Kala ki zuela dilaji dioso-dioso, kiene ki ua mu zuela eie; mbé tu tambula ngó jimbote kua Nzambi o ia ibha kana? Mu ima ioso ienhiʼii Jobe ka tela-mu kituxi ni mizumbu iê.

Jisálamu 38:13

Eme-phe, kifua nga di bhange ngi muxilu, ki ngʼivu kima; mukuâ ni dibhubu, ki ngi jikula dikanu.

Daniiele 4:35

Kua muene athu oso atungu mu ngongo kingoho, kioso kia mu kala mu vondadi iê kiene kia bhanga ni ku ilômbo ioso ia diulu ni ku jithungiembu joso bhoxiʼabha; kana-ku muthu utena kufudisa lukuaku luê, ni kuila: Ua-nda bhanga kiebhi?

Ijila 10:3

Mozé anga uambela Alá, uixi: Kiki kiene kia tange Jihovaʼiki, kuila: kuzela kuami nga-nda ku ku londekeza ku ió oso a ngi zukama anga bhu pholo ia mundu uoso ngi kala ni kijingo. Maji Alá-phe ua di xibhʼê.

I Samuuele 3:18

Samuuele anga u mu tangela maka moso, ka xi-ku dingi kima. Eli anga u zuela, uixi: Muene Jihova, a bhange kiá kioso kia mono kiauabha ku mesu mê.