Jisálamu 39:6 - O Mikanda Ikola

⁶ Kidi muene, muthu kinzúnzumbia mu kunhunga kuê; u talê ngó hadi ni kututumba; u lunda nzungule ia jimbongo, maji kʼejiia uoso hinu u ji dia.

Jisálamu 39:6 Iomraidhean Croise

Jobe 14:1

O muthu, a mu vuala ku monʼa muhatu, u bhanga ngó tu izuua, kene kunanga ku muenhu iú ua vula malamba.

Jobe 7:16

Muenhu uami ua ngi kumu, nguami kukola muenhu izuua ioso kiki. Ngambudia ʼmi kiá, kuma izuua iami ia sokoʼé ngó ni mulenge.

Jobe 7:7

Xinganeka, Ngana, ulembalale kuila muenhu uami uediʼé ngó kala mulenge; o mesuʼami kà tona dingi kumona mbote.

Jisálamu 127:2

Kingoho ue o kudimeneka ku thonga, ni kuseiala usuku kudia kua ku di huha; kuma oso a a zolo kuala muene, a a bhela ku kilu.

Jisálamu 144:4

Kuma muthu muha, mukuâ ni kima kia ngoho; izuua iê i bhita kala kinzúnzumbia.

Jisálamu 89:48

Dizonda diebhi, di laia phala kafue dingi? nanhi u sukununa o muenhu uê bhu maku a kalunga-ka-ngombe? (Selah.)

Jisabhu 13:22

Muthu uambote-phe, uxia undundu ku ana ni ku aláula; maji umvuama ua mukua-ituxi, uòlunde phala ni u xialela ku ió uaiuka.

Jisabhu 23:5

Kifua mesu mé ma jijila kutalesa ima ia kingoho? jimbongo-ze jene ni mabhabha, jituka kala holokoko anga ji di leka bhulu.

Jisabhu 27:24

Mukonda o jimbongo ki jene kuxalelà-ku; manhi o kitundu kiene kuxalela kutunda muiji kuiza muiji?

Ndongixi 1:14

Nga tonginina ku ikalakalu ioso iene kubhanga athu kulu-dia-mundu, nga i mono kuila ioso muene kingoho ni lamba dia muẋima.

Ndongixi 11:10

Kala kiki-phe, o njinda sondololaiu ku mu muẋima ué, o xitu ié ku iehele mu kubhanga kiaiibha, mukonda o undenge ni unzangala ue, kingoho kiene.

Ndongixi 12:13

Ku ioso i uene mu kuívua, zubhilu diê dienhidi: Xila Nzambi, u aluke o ijila iê, mukonda kiene kia fuama athu oso ku ki bhanga.

Ndongixi 12:8

Ukumbu mu ukumbu, ioso muene ukumbu ngó!—Kiene kia tange Mulongixi.

Ndongixi 2:26

Kuma o muthu ua iuka, Nzambi u mu bhana o unjimu ni kuijiia, hé u mu tela-ku o kusanguluka; maji o mukua ituxi-phe, Nzambi u mu bhana kukalakala mbé a bhongolole, a lunjijiké ima ia-nda kubhana kua ió a muindi kuala Jihova. Maji kienhiki ue ukumbu ngoho ni ʼlamba dia muẋima.

Ndongixi 2:8

O phalata ni ulu anga ngi i bhaka ku maxita-maxita, ni makembu oso a jisobha ni ma akua jixi; nga dʼizalesa ue ni jingimba ni mala ni ahatu, ni ima ioso ia uabhela anʼathu kulu-dia-mundu; ndumba ia mala ni ahatu, ni ima ioso kiá ia kuxikila o mimbu ue.

Ndongixi 5:14

O kikala u bhita ni uíndua uoso-uoso, jimbongo joso ji di bota; o mona a mu vuala, u lémbua kuxala-ku ni kima kioso-kioso bhu maku.

Izaía 55:2

Kitadi kienu mua mu ki zangela-hi ku ima ia ngoho ki kúdia? O ima i tunda mu ikalakalu ia maku menu anga mu i zangela ngoho mu ioio ki i tena kuikutisa? Kuatenu kilunji mu ngʼivue, nda mu die kiauabha, o muenhu uenu u tane ni ima ianete.

Luka 12:26

Kama-phe kʼònjongo-njongo se mua ka lémbua, mu kalela-hi ni hele ia ioso iíi ia xala-ku?

Luka 12:29

Kala kiki, kana kutata ni kusota kioso ki mu dia, ni kioso ki mu nua. Kana kuvula uê ilunji.

I Kolindo 7:31

O oso a sota imbamba iambote mu ngongo mumu, ka landukile kiá ngó iene mu iene. Kuma o funza ia mundu iú, ki ualʼ iki, ki i nange kubhita.

Tiiaku 4:14

Sumbala anuenu kioso kʼiza-ku mungu ku mienhu ienu, ki mua kʼijiia! Mukonda o muenhu uenu ua soko kiebi? Muala mu mbundu, i moneka ngó kathangana kofèle, kindala-phe ia jimuka ku mesu!

Tiiaku 5:3

O ulu uenu ni phalata ienu ia fulujala. O fuluja iê i kala mbangi ia ku mi belesa, i mi dia jixitu kala tubhia. Itadi ienu, mu izuua ia sukidila-ku, enu mua i lundu,

I Phetele 1:24

Kala ki ambe o Mikanda Ikôla, kuma: Athu oso mukuá ni iangu ia mukau, o unéne uâ; kuuabha kuê kua kitulu kia iangu. O iangu i lela, o itulu i lalumuka,

I Phetele 5:7

Héle ienu ioso xilenu-iu Nzambi, kuma muène ua mi kuatela muanu.