Jisálamu 39:5 - O Mikanda Ikola

⁵ Talesa izuua iami mu ku i zonga, kala ki ua i xindi eie, kànda dia lukuaku diia-bhu ngó luofele; o kithangana kia muenhu uami, ku mesu mé ki kima, kuma ni kidi muene, muthu kingoho né uadisanze, kene kunanga. (Selah.)

Jisálamu 39:5 Iomraidhean Croise

Dimatekenu 47:9

Jakobo u ambela Falaó, uixi: Izuua ia mivu ia inhunginu iami, hama ia muvu ni makuinhi atatu; ia tolo, o iene ue ia hadi o izuua ia mivu ia muenhu uami, bhua sukile o mivu ia jitata jetu mu inhunginu iâ eme ki ngà bhiẋila-bhu.

II Samuuele 19:34

Badizilai anga u vutuila muenexi, uixi: Kua ngi xala dingi izuua ikuẋi ku mivu ia muenhu uami, kuila ngi banda ni muenexi ku Jeluzaleme?

Jobe 7:6

O izuua iami kulenga kuê, lasadela ia mutungi-a-thanga ndenge; iia muene ni kúbhua ngoho sè kudielela dingi kima.

Jisálamu 144:4

Kuma muthu muha, mukuâ ni kima kia ngoho; izuua iê i bhita kala kinzúnzumbia.

Jisálamu 39:11

Kuma eie ki u bazela muthu, mukonda dia kutondala kuê, o kuuabha kuê ku mu bhua, u kala kala kizuatu, a ki kesa kuala kabamba. Ni kidi kiene, muthu bá kingoho! Kikexilu kiê kifua mukua ni mbundu iiza-ku, kindala iaiê. (Selah.)

Jisálamu 62:9

Mukonda, ni kidi kiene, akua ditala diófele kingoho, o akua ditala dia dikota ue makutu; ku a ta ku pezo, ki bhuala ua di tungula, ene oso a bhebhuluka mukuâ ni ukumbu ngó!

Jisálamu 89:47

Xinganeka o thembu iami, kuma ki i nange kúbhua; Eie, kífua anʼa athu ua a bhangela o kuseluka ngoho?

Jisálamu 90:12

Tu longe, Ngana, kukuata o konda ia izuua ietu, phala ku muẋima tu kale ni kilunji.

Ndongixi 1:2

Kingoho mu kingoho! Mulongixi, uixi: Kingoho mu kingoho! Ioso muene ukumbu ngoho!

Ndongixi 2:11

Anga ngi bhetuka o mesu mu kutala ima ioso ia kalakala o maku mami, ni kikalakalu kioso ue ki nga bhange kia tundu mu kukalakala kuami, o ki nga iede sui, mu nga bhiti ni dibhuilu diê, nga i mono kuila ioso ku mundu mbé ukumbu ngó ni ʼlamba dia muẋima, kuma ioso bhoxiʼabha ki iala ni kubhanduluka kua kima.

Izaía 40:17

O ifuẋi ioso bhu pholo iê ki kima; o muene athu ua a kita kingoho.

Tiiaku 4:14

Sumbala anuenu kioso kʼiza-ku mungu ku mienhu ienu, ki mua kʼijiia! Mukonda o muenhu uenu ua soko kiebi? Muala mu mbundu, i moneka ngó kathangana kofèle, kindala-phe ia jimuka ku mesu!

II Phetele 3:8

Inda kima kimoxʼiki-phe ki ki mi jimbe, enu akuetu, kuma: Kizuua kimoxi kua Ngana, mukuâ ni midi ia mivu, o midi ia mivu mukuâ ni kizuua kimoxi.