Jisálamu 39:12 - O Mikanda Ikola

¹² Ngʼivue Jihova, o musambu uami; bhana mátui uivue, Ngana, o kudikola kuami; ku kambe ku ngi suua o kisoxi kiami; kuma ngi musonhi ué, ngedi kala ngi nzuángiza, ngi ngenji ngó, kala kia kexile o jitata jetu enhoso.

Jisálamu 39:12 Iomraidhean Croise

Dimatekenu 21:34

Mbalahamu anga u kala mu nhunganena mʼoxi ia akua Fidíxia, izuua iavulu.

Dimatekenu 47:9

Jakobo u ambela Falaó, uixi: Izuua ia mivu ia inhunginu iami, hama ia muvu ni makuinhi atatu; ia tolo, o iene ue ia hadi o izuua ia mivu ia muenhu uami, bhua sukile o mivu ia jitata jetu mu inhunginu iâ eme ki ngà bhiẋila-bhu.

II Samuuele 16:12

Imoxi Jihova u suua o kutata kuami ni kulebhuka kuami, hé u ngi bhanga mbote mukonda dia jindaka jê ja ngi xingi kizuua kia lelu.

II Jisobha 20:5

Vutuka uambele Ezekiia, o mutumini ua mundu uami, kuila: O Jihova, Nzambi ia tatʼenu Davidi uambe kiki: O musambu ué nga uivu, ni masoxi mé nga a mono; tala-phe eme nga-nda ku ku sakula; o mu kizuua kia katatu ua-nda kubanda mʼonzo ia Jihova.

I Malunda 29:15

Mukonda etu tu jinzuángiza bhu pholo iê, tuala tu jingenji kala o jitata jetu joso; o izuua ietu iedi kala izúzumbia kulu dia mundu, kanaku kima kiengi ki tua dielela.

Jobe 13:28

sumbala eme ngedi kiá kala kima kia bolo, kia mu diua, mukua ni kizuatu kia mu diua ku tubamba.

Jobe 16:20

O makamba mami ene muene a mu ngi sebulula, maji o mesuʼami a zangiua ni masoxi bhu pholo ia Nzambi.

Jisálamu 102:1

Ngʼivue musambu uami, u Jihova, kudikola kuami ku bhixile ko kué.

Jisálamu 116:3

Mikolo ia kalunga ia ngi bhidile, misusu ia kúfua ia ngi kuata; nga sange phaxi ni lamba!

Jisálamu 119:19

Ngi nzuángiza ngó mu ngongo mumu; itumu ié i tukuluke muene, ki iile kala a ngi suekela-iu.

Jisálamu 119:54

Maka ma kaiula ké, ma di bhange ene o mimbu iami ia kuimba, mu inhunginu iami mumu, mu ngala kubhita.

Jisálamu 56:8

Inhunginu iami ioso eie uaʼijiia: o masoxi mami moso, eie ua a bhake mu kisudi kié; manhi, ni mu divulu dié, kua a soneka-mu?

Jisálamu 90:9

O izuua ietu ioso ia jimina mu nzuna ié, mivu ietu ibhua kala muthu ua tula muenhu.

Ijila 25:23

Kana kusumbisa mavu anga mendelela ku maku ma ngenji ua ma sumbu, mbata oxiʼii ixi iami-Eme ia ngi tokala; enu muala mu asonhi ngó mueza kutunga nʼEme, mu jinzuángiza.

II Kolindo 5:6

Uila kiki, izuua ioso u sanga tua suina dingi. Kuma tua kʼijiia kuila, kioso ki tua tungu mʼonzo ia mukutu iú, tua sanduka ku bhata dia Ngana.

Jihebeleu 11:13

Athu oso enʼiá afua, ezala ni kuxikana. O jipolomesa ja a bhele Nzambi ka ji tambuile luua, maji a ji muena ngó mu kanga, hé a ji tanesa ku makanga kuenioko ku ja monekena. Anga a di fisala kuila asonhi, jingenji mu ngongʼ umu.

Jihebeleu 5:7

O muène kia kexile mu ngongo, u samba, u dionda, ni kudila masoxi, kua Nzambi u tena ku mu kudila mu kufua, anga a mu ivua, mukonda dia kudibha-kula kuê, ni kubatama.

I Phetele 1:17

Se muedi mu hingila Nzambi, kuma Tata, mukua kufundisa oso sé ngó kathômbo ka athu, kala muthu kia tokala mu ikalakalu iê, thembu ioso i muala kunu mu inhunginu, mu enda ni uôma uê.

I Phetele 2:11

Enu akuetu, phange jami, nga mi diondo, mu asonhi, mu jingenji mua tundu mu ixi ienu enu muala ku jixi jengi, kulenga jinga jihânji ja xitu ji lua ita ni muenhu ua muthu.