Jisálamu 39:1 - O Mikanda Ikola

¹ Ngedile ngixi: Ngi di langa o kuzuela, phala ki ngi te kituxi ni dimi diami; dikanu diami ngi di kuta jingoji, kioso ki ngʼimana kumoxi ni muthu uabhukumuka.

Jisálamu 39:1 Iomraidhean Croise

I Jisobha 2:4

Phala Jihova ue a kumbidile o kizuelu kiê kia ngi bhele, uixi: Anʼé se a di langa o kuenda kuâ, nʼendela bhu pholo iami mu kidi, ni muẋima uâ uoso, ni muenhu uâ uoso, nga ki ambe kuma, ki kuà ku kamba muthu ué u ku bhingana bhu kiandu kia Izalaiele.

II Jisobha 10:31

Maji o Jehu-phe, ku kala ni muanu ua kuenda ni muxima uê uoso mu ngonge ia Jihova, Nzambi ia Izalaiele, ua ki tokoka, o ku di batuka ue ni ituxi ia Jelobouamu ua bhangesele Izalaiele o ku ta ituxi, ua ki lémbua.

I Malunda 16:41

O Kua ene ku di-ta dingi Hemane, ni Jedutunu, ni ió oso a a solo dingi, a a tumbula ku majina mâ, phala kuximana Jihova, kuma o kulenduka kuê ki kuene kúbhua.

Jobe 2:10

Maji muene u mu vutuila, uixi: Kala ki zuela dilaji dioso-dioso, kiene ki ua mu zuela eie; mbé tu tambula ngó jimbote kua Nzambi o ia ibha kana? Mu ima ioso ienhiʼii Jobe ka tela-mu kituxi ni mizumbu iê.

Jisálamu 119:9

Munzangala ua diiala u di zelesa kiebhi o uendelu? Ki kale u di langa kiambote, kala kiambe o maka mé.

Jisálamu 12:4

kuma ala kuila: Dimi dietu diene di tu mbolomona na-diu akuetu; tua dielela o mizumbu ietu, Ngana ietu nanhi muene?

Jisálamu 141:3

Ngana, langidila o dikanu diami; uinge o muelu ua mizumbu iami.

Jisálamu 34:13

Aiuka! dimi dié ki di kale ni phulu, o mizumbu ié ki i tange makutu.

Jisálamu 62:1

Kidi kiene! muẋima uami ua ximbakata mu kinga Nzambi; kua muene ngó ku ngi tundila o kubhanduluka.

Jisálamu 77:1

Meia! u Nzambi, nga dikola! Nga suína o dízui diami, Nzambi phala a ngʼivue.

Jisabhu 18:21

Ni kúfua ni muenhu, ima iiadiʼii ia tunga ku uzonda ua dimi; oso-phe a zola o dimi, hádia a diaula-ku ku kibundu kiê.

Jisabhu 21:23

Muthu uoso u langa o dikanu diê nʼa koteka o dimi diê, ió muenhu uê ua u kondeka ku kikote ni lamba.

Amoji 5:13

Kala kiki, uoso njimu ua kà di xibha ki bhiẋila kithanganʼokio, kuma izuua iii ia ibha.

Kolose 4:5

Kuatenu kilunji mu kuenda kuenu ni athu ku kanga. O bhuoso bhu mu muena kithangana, kienhokio kana kudibotesa-kiu mu ngoho.

Jihebeleu 2:1

Uila kiki, tua fuama tu kuata dingi muanu ua ima ioso ia kidi i tuevu, sumba se tu di ehelela, tu kunguluka.

Tiiaku 1:26

Sai muthu ua di fika kukala mubhezi a Nzambi? Se u kamba kuijiia o kukuika o dimi diê, o kubheza kuê kua ngoho, iu ua mu di nganalʼê muène mu muẋima uê.