Jisálamu 38:6 - O Mikanda Ikola

⁶ Nga kotama, nguzu ja ngi bhu; kumbi dioso ngala kuenda ni dilamba kala ngi sébhue.

Jisálamu 38:6 Iomraidhean Croise

Jobe 30:28

Nga mu kuenda ni kuxiketela, maji ki kua muanha ua dikumbi; mu kionge, ngi balumuka mu kudikola phala ku ngi kudila.

Jobe 7:5

O mukutu uami uezala maminhu kala kizuatu, u batumuka jimbàmba jedi kala ibumu ia mavu! Kikonda kiami kia kekuka, kiia ni ku tunda utúlua! Kiaiibha muene kiavulu!

Jisálamu 107:17

Sai amoxi-mu, mukonda dia kudianguka kuâ, a kala ni mahaxi, a kata muene, a tala hadi.

Jisálamu 145:14

Jihova u balumuna oso a di bhale, hé u bhetula oso a zeka bhoxi.

Jisálamu 31:10

Kuma o muenhu uami uala kubhuila mu mukondo, o mivu iami i ibhua ngó ni kukema; nguzu ia ngi bhu ni kuteketa, kingumba o malamba; mukonda dia kutondala kuami, ifuba ia ngi sokomoka.

Jisálamu 35:14

Ngʼila muene kala phange iami, mba kamba diami dia muẋima; ngi bhetamena bhoxi, ngʼenda muene ni kudila, kala muthu ua fundu mamʼâ.

Jisálamu 42:5

O kiki, ua bhuidila-hi muẋima uami? Ua Zôndela-hi moxi diami? Dielela kua Nzambi, hinu ngi mu ximana dingi, hinu ngi bhanduluka dingi mu kumona o pholo iê.

Jisálamu 42:9

Nga kʼàmbela Nzambi, ngixi: Eie u ditadi diami dia kipena, ua ngi jimbila-hi? Phala-hi ngiia ni kudila ni mukondo mukonda dia ubhika uala ku ngi bhikisa na-u o nguma?

Jisálamu 43:2

Kuma eie, eie u Nzambi iami ia kimbaka; phala-hi u ngʼehela ngó mu kanga? mbebhuʼohi ngiia jinga ni kudila ni dilamba mukonda dia ubhika uala ku ngi bhikisa na-u o nguma?

Jisálamu 57:6

Kuma a ngi tela uanda ua ku ngi kuata o inama, ni muẋima moxi ua ngi zondo; a ngi kandeia diela mu njila mu ngi bhita, iá-phe a dibhadiâ-mu ene. (Selah.)

Jisálamu 6:6

Nga bhuila kiá mukonda dia kukema kuami! Usuku ni usuku hama iami ngi i betesa; ila muene kiololo ni masoxi!

Jisálamu 88:9

Mesu ami a vundu kiá ni kudila mukonda dia dilamba, o izuua ioso ngi dikola ko kué, u Jihova; nga ku sununuina o maku ami ni kudionda.

Izaía 38:14

Kala ki kala o njila iexana grou mba phiáphia, kiene ki nga kexe mu kuẋenja, ngi kuata kukumba mukuâ ni diembe; nga bhetula jinga mesuʼami ni kutala bhulu, katé ala kiá ku ngi suka; Jihova, tata! Nga bhondalala! Kala-phe u ngunji iami!