Jisálamu 38:4 - O Mikanda Ikola

⁴ Mukonda ikuma iami ia ngi bhiti ku thandu, nga jikinina muene; ia ngi xina ni iene kala kimbamba kia dikota.

Jisálamu 38:4 Iomraidhean Croise

Ejidala 9:6

Nzambi iami, tata! Nga tandanganha ni jisonhi, ki ngi tena kubhetula pholo iami ni kutala kokué, u Nzambi iami! Mbata ikuma ietu ia di sokolola bhu thalʼa mítue ietu, o kuêla kuetu kua tuta muene ku diulu.

Jobe 33:19

A mu bazela ue bhu hama iê ni misusu, ni mu ifuba iê mu kuate kuzoka sé kunhoha.

Jisálamu 107:17

Sai amoxi-mu, mukonda dia kudianguka kuâ, a kala ni mahaxi, a kata muene, a tala hadi.

Jisálamu 40:12

Kuma mavuua ma vudila-ku ma ngi phopheka; o ikuma iami ia ngi kaie, ia ngi kuata, katé ki ngi tena ngó kubhetuluka. O ikuma iami kota mu kuvula, jindemba mu mútue uami ndenge. Kia bhekesa muẋima uami kuia ku kiambu.

Izaía 53:11

Kienhiki, muene ua-nda kumona kikalakalu kia lukuaku luê, anga u tana; Selevende iami, Muthu Uaiuka, mu kuijiia kuê kuene na-ku, ua-nda kulungisa athu a ndumba; mukonda muene ua-nda kuambata o ikuma iâ ku thandu diê.

Kuditenda 1:14

O kanga ia itondalu iami, a ngi kutila na-iu ku thandu kuala o lukuaku luê; o itondalu iami ioso iothangune muene, iá a ngi tudika-iu mu xingu; o muene iú ua ngi iokola, nguzu ioso ia ngi bhu; Jihova iu ua ngi bhakula ku iiala ia bhingi kuila bhu maku mâ, ki nga-nda kutena dingi kusutunuka-bhu.

Ijila 7:18

Mukonda se xitu ia sata iê ia paze, ia xala, anga bhu kala muthu u dia-ku kizuua kia katatu, sata iê ka i ẋikina dingi; o muene ue ua sate kia mu-ie ngoho; i di bhanga lufuku, uoso u dia-ku u kala ni kuêla.

Matesu 11:28

Zenu kokuami enu oso mua bhuila, enu mua tate ni imbamba ia mi nemena, eme nda ngi mi nhohese.

I Phetele 2:24

Kristu muène ku mukutu uêmuène, ua tu ambatela o ituxi ietu katé ku kimuẋi, phala etu tu jituke ku ituxi, tu kuate muenhu ua kuiuka. O italakanha iê iene ia mi sake.