Jisálamu 38:10 - O Mikanda Ikola

¹⁰ Miẋima iami iala ku ngi titila, o mu mukutu nguzu nga i lémbua; o mesu a ngi kala ni kavunda, ki ngala kumona dingi.

Jisálamu 38:10 Iomraidhean Croise

Jisálamu 119:123

Mu mesu mú ngi vunda ni kutala mu kukinga o ubhulukilu ué, ni kizuelu kié kia ku ngi batuila o milonga.

Jisálamu 31:10

Kuma o muenhu uami uala kubhuila mu mukondo, o mivu iami i ibhua ngó ni kukema; nguzu ia ngi bhu ni kuteketa, kingumba o malamba; mukonda dia kutondala kuami, ifuba ia ngi sokomoka.

Jisálamu 42:1

Mukuâ ni mbâmbi i haha, mukonda honga ia menhʼa hungulule, ia mu kala dikanga, kiene ue o muẋima uami uala mu haha, mu kuinda eie, u Nzambi!

Jisálamu 6:7

Mesuʼami iá a bhua-bhu kiá ni kudila; kala kumona dingi kiambote, mukonda dia jinguma ku ngi tatesa.

Jisálamu 69:3

Nguzu ia ngi bhu ni kudikola; o bhu xingu bhua ngi kukuta, ni bhene thokón! mesu ami kala kumona dingi kiambote, ngʼandeka okulu ni kubhinga Nzambi iami.

Jisálamu 88:9

Mesu ami a vundu kiá ni kudila mukonda dia dilamba, o izuua ioso ngi dikola ko kué, u Jihova; nga ku sununuina o maku ami ni kudionda.

Izaía 21:4

O miẋima iala ku ngi titila kiavulu, kua ngiza kubhuuama ni kuteketa; ngendile kuma kuvunda, o ki kua mateka ngó o ku fefetela, uoma ua ngʼiza.

Kuditenda 2:11

Mesu mami ma fefetela ni masoxi, enu mala! O mídia moxi ia ngi dimbuluka; miẋima iami ia di zunzila bhoxi mukonda dia kusenguluka kua senguluka o kilumba kia mundu uami! Abha kua bhingi ni tumbonga, enu mala, ni tuana ku mele ia ambukila mu jinzunga ja diembu!