Jisálamu 32:7 - O Mikanda Ikola

⁷ Kuma uoso ua kondamena ko kué, eie u mu bhaka kididi; ka mu tatesa dingi, maji u kala mu kuimba, mu kusangulukila o ubhulukilu ué. (Selah.)

Jisálamu 32:7 Iomraidhean Croise

II Samuuele 22:1

Davidi anga u tela Jihova maka moso ma muimbu iú, kizuua kia mu kudila Jihova bhu lukuaku lua jinguma jê joso, ni bhu lukuaku lua Saúlo, uixi:

Jisálamu 119:114

Eie u dilengelu diami, u ngubu iami ia ku ngi xitila; nga dielela kizuelu kié.

Jisálamu 143:9

Ngi kudile, u Jihova, ku jinguma jami, mukonda ko kué kuene ku ngi lengela mu ku di sueka.

Jisálamu 18:5

A ngi louele mikolo ia ku ngi sungila mu bombo dia kalunga, manda ma manhanga ma ngi batuluile kû pholo.

Jisálamu 27:5

Kuma bhu kithangana kia jingongo, muene u ngi bhaka mu kitelembe kiê, u ngi sueka muene kididi kia kondama mu balaka iê; u ngi tudika ditala dialebha kuthandu a matadi.

Jisálamu 31:20

Kuma hinu eie u a sueka kididi kiakondama, bhu mbandu ia kinama kié, mukua kukanena phulu ka a mono dingi; eie u a bhaka muene mu balaka ié, kevu dingi jimvunda ja kutangelela.

Jisálamu 32:10

Abhukumuka a kala ni malamba avulu; ua dielela Jihova-phe, henda iê i mu konda mbandu ni mbandu.

Jisálamu 40:3

Ua ngi te muimbu uobhe mu kanu diami, ua ngi bhana mukumbi ua kuximana Nzambi ietu; phala athu avulu a ki mone, a kale ni uoma, nʼa kale jinge mu dielela kua Jihova.

Jisálamu 5:12

Kuma eie, Ngana, u mukua kubhanga mbote kua ió uoso uaiuka; jihenda jé, u Jihova, ji kala ngubu ia ku mu xitila.

Jisálamu 9:9

Jihova muene o mbonge ia matala, mu lengela ió oso a a tatesa; muene kididi kiakondama mu thembu ia jiphaxi.

Jisálamu 91:1

Ió ua tunga mu kibúta kia kondama kia Suke-ku, iú ua xikama mu kilembeketa kia Muteni-a-ioso,

Jisálamu 98:1

Imbilenu Jihova muimbu uobhe; kuma Muene ua bhange madiuanu; lukuaku luê lukôla, luene lua lende o jinguma.

Jelemiia 36:26

Kiala-bhu kota phala muene, o kutuma dingi Jelamiiele, monʼa Hameleke, ni Selaia, monʼa Azediiele, ni Selemiia, monʼa Abidele, kuila a kute Mbaluke, o musoneki, ni Jelemiia dia polofeta; maji-phe Jihova ua a suekʼâ.

Kolose 3:3

Kuma enu muafu kiá, muenhu uenu a u sueka ni Kristu kua Nzambi.

Dijingunuinu 7:10

Anga a kola ni dízui dia dikota, exi: O kubhuluka kuetu ku tunda kua Nzambi ietu ua xikama bhu kiandu, ni kua Kambudi!

Afundixi 5:1

Debola ni Balake monʼa Abinouamu, anga emba muimbu uâ, kizúua kienhókio, exi: