Jisálamu 32:6 - O Mikanda Ikola

⁶ Mukonda dia kiki, uoso uabhu o kubhuma, a dikole ko kué mu thembu i xikina ku mu ivua; o kia-nda kuiza menha mavulu, ma di bhange masenza, bhuemana muene ka bhiẋila-bhu dingi.

Jisálamu 32:6 Iomraidhean Croise

Jisálamu 144:7

Sunununa o lukuaku lué tunde bhulu bhu uala, u ngi kuate, u ngi zaule mu menha masuina, u ngi tambule, bhu maku ma athu a mbutu iengi;

Jisálamu 4:3

Ijiienu-kiu kuma Jihova, mukua uoma uê u mu tungula, hé u mu tambula konda; Jihova u ngʼivua, kioso ki ngi dikola kua muene.

Jisálamu 40:3

Ua ngi te muimbu uobhe mu kanu diami, ua ngi bhana mukumbi ua kuximana Nzambi ietu; phala athu avulu a ki mone, a kale ni uoma, nʼa kale jinge mu dielela kua Jihova.

Jisálamu 42:7

Honga i dʼitaiela ni honga ia mukuá, mukonda dia kinuminu kia mabhubha mé, eie Ngana; o mafuta mé moso ni mabhuku mé, ma ngi bhiti muene ku thandu.

Jisálamu 91:7

Né kua dibhale midi bhu mbandu ié, né kuinhi dia midi ku lukuaku lué lua dilu, eie bhobho ki ki ku bhixila.

Jisabhu 1:28

kienhokio ene ela adi kola kokuami, eme-phe ki nga kà etaia; o kia kà di meneka ku ngi sota, ka tena ku ngi sanga.

Izaía 43:2

Kioso ki ua kà bhita mu menha mua zongo, tuà kala kiiadi; kioso ki uà bhita mu jingiji, kua-nda ku boba; ki uà kà bhita mu túbhia, kua-nda kujikata; o mulengo ki ua kà tena ku kuata kokué.

Izaía 49:8

Jihova ua zuela kiki: Sai thembu ia tokala i nga kuividila, sai kizuua kia kubhuluka ki nga ku kudila, nga-nda ku ku langa, nga-nda ku ku bhanga u kikutu kia mundu, phala u bhangulule oxi, maubhinganu ma buikisile u ma bheka dingi bhu maku ma athu oso ma a tokala.

Izaía 55:6

Sotenu Jihova, kiosuʼiki ki mu tena ku mu sanga, mu kodienu kiosuʼiki kiala bhua zukama;

Nzuá 7:34

Enu mua-ndu ngi sota, maji ki mua-ndu ngi sanga, mukonda kuoso ku ngiia, enu ki mu tena kuizaku.

II Kolindo 1:4

Muène mukua ku tu kuatekesa mu hadi ietu ioso, phala tu tene ue kukuatekesa oso ala mù tala hadi kala etu. O dikuatekesu dioso di tualù tambula etu kua Nzambi, diene ue di tu kuatekesa na-diu akuetu.

II Kolindo 6:2

Ivuenu kioso kiambe Nzambi, uixi: Eme nga evidila bhu kithangana kia bhindamene o ku a kudila, nga a kuatekesa bhu kizuua kia kubhuluka. Ivenu, kuma: Kiki, kiene o kithangana kia kutambula o dikuatekesu kua Nzambi! Lelu kiene o kizuua kia kubhuluka!

I Timote 1:16

maji o Nzambi-phe kiene kia ngi lolokela, phala ko kuami eme ngi dikota, Jezú Kristu edikize o kuxididika kuê kuoso kua ngi kala naku. Phala o kienhiki ki xalele mu kubhana kijimbuete kua enhó oso ku pholo a kènda ni ku mu xikana muène, nʼa tambule o muenhu ki uàbhua.

Tito 2:12

O kiadi kienhiki ki tu longa kuma, tu ehe o kubhuma ni jihânji jaiibha ja mundu, phala tuende mu ngongo muenhumu ni kilunji, ni kuiuka, ni kuxila Nzambi.