Jisálamu 32:3 - O Mikanda Ikola

³ O ki ngedile ngi dixibha, ni ifuba moxi ikala ni kutuza, ngi kala mu kumba izuua ioso.

Jisálamu 32:3 Iomraidhean Croise

II Samuuele 11:27

O kia bhiti izuua ia kudila o thambi, Davidi u tuma ku mu takana, u mu bheka mʼonzo iê, anga u kala mukajiʼê, hé u mu vualela mona ua diiala. Kima kiki-phe, kia bhange Davidi, Jihova kia mu iibhila.

Jobe 3:24

Mukonda bhu kididi kia kúdia kuami, ku ngiza hanji mikemu; o ku di tenda kuami ku lunduluka mukuá ni menha.

Jobe 30:17

Mu usuku, ifuba a ngi kubula na-iu anga a i sokomona, o kukata kua mu ngi kunha ki ku nhonha!

Jobe 30:30

O kikonda ku mukutu uami kiia ni kuxiketela hé ki sonoka, o ifuba iami iia ni kujokota ku kizuza kia kukata.

Jisálamu 22:1

Nzambi iami, Nzambi iami, ua ngʼehelelela-hi-á? Ua sukila-hi ngó mu kanga, ni kufula ku ngi kudila, ngala kudikola kiki?

Jisálamu 38:3

Mu jixitu jami ki mua ngi kala dingi kima kia disanze, mukonda dia kuluuala kué ku ua ngi luualela; mu ifuba iami ki muala dingi kutululuka, mukonda dia ituxi iami i nga te.

Jisálamu 38:8

Nga iokojoka, ngabhu-bhu muene kiavulu; ngi kuata ngó kukumba mukonda o muẋima mʼoxi ki ua ngi tula kididi!

Jisálamu 51:8

Phala ngi kale dingi ku ngalasa ni kutululuka; o ifuba i disanze dingi i ua bukujula.

Jisálamu 6:2

Ngi kuatele henda, u Jihova, kuma nga bhele, nga xoueta; u Jihova, ngi sake; kuma ngala kukata katé ni mu ifuba.

Jisabhu 17:22

Muẋima ua sanguluka, u di bhanga milongo ia mbote mu mukutu ua muthu; maji o muẋima-phe ua budika ni dilamba, u kukutisa ifuba.

Jisabhu 28:13

Muthu uoso u vunga o ikuma iê, katena kubhanduluka; maji muthu uoso-phe ikuma iê u i fisala, anga u i ambula, ió hinu a mu kuatela henda.

Izaía 51:20

O anʼéambuka kiá, usanga a tandelela mu mabokuenu ma jinjila joso, edi kala jisoko jafu mu uanda; a bhondalala, ni kutema kua Jihova, ni kibazu kia a bazela Nzambi ié.

Izaía 57:17

Njinda ia ngi kuatele mukonda dia usuéia ua unjenje uâ anga ngʼa beta; kuma kia ngi kuata o kutema, pholo nga i sueka; maji ene, hanji-phe, mu kubhukumuka kuâ, akaiela njila ia muẋima uâ.

Izaía 59:11

Etuʼenhoso tua mu dila kala itôto, o kukema kuetu kala membe, kua kalé kiá; tua kingile o kulúnga maji ki kua moneka; tua kingile kubhuluka, maji kua tu kala dikanga.

Kuditenda 1:3

Juda uaii ku ubhika, kia mu iza o hadi, ua muangana muene mukonda dia ubhika ua mu vudila; uaxalela muʼaxaxi ka ifuẋi, o dinhohenu ua di lémbua. Ene oso a kexi ku mu landameka, a mu kuata kioso muene kia bhondalala mu jiphaxi jê.

Kuditenda 3:4

Ua ngi sekalesa o xitu iami ku mukutu, ni kikonda kiami; o ifuba iami ua i bulabula.

Kuditenda 3:8

Bhu suske dia ku dikola, hé ngi ta mutendu, maji muene musambu uami u ngi xitila-u dibhitu.

Hozeia 7:14

Ene ka mu dikola ko kuami ni muẋima uâ uoso; o kiala-bhu, mikemu ia bhela bhu jihama jâ, mukonda ene a bhongolokela ngó masa ni vinhu, eme a ngi bhukumukina.

I Samuuele 31:13

Anga omona ifuba iâ, hé a i funda bhu kota dia muxi ua mutamadixi mu Jabezi. Anga a fula kúdia, a jila mu sambuadi dia izuua.