Jisálamu 32:11 - O Mikanda Ikola

¹¹ Tanenu-ku kua Jihova, mu sanguluke enu mua iukila mu njila; imbenu ni ngalasa oso muemana muẋima nzanza.

Jisálamu 32:11 Iomraidhean Croise

Jisálamu 125:4

Jihova, tata, bhanga mbote kua ió athu ambote, oso ala ni mixima iaiuka.

Jisálamu 32:2

Ua zediua uoso kala dingi ni mulonga kua Ngana, ku muẋima ki ku mu xala makutu.

Jisálamu 33:1

Sangulukenu kua Jihova, enu athu aiuka; kuma kuximana kua fuama oso emana mixima nzanza.

Jisálamu 5:11

Maji oso-phe a lengela kokué, a tane-ku! A dikole ni ngalasa, kuma eie uene ku a bhângela; oso kiá a zola o dijina dié, a kolokote ku ku dielela.

Jisálamu 64:10

Athu aiuka-phe a kà tanena mua Jihova, kuma a kondamena mua muene; oso emana muẋima nzanza, a kà di ta thâthe.

Jisálamu 68:3

Maji athu aiuka-phe a kale ni ngalasa; a sanguluke bhu pholo ia Nzambi; a sanguluke muene ni ngalasa iavulu!

Jisálamu 7:10

Ngubu iami iala kua Nzambi, mukua kubhulula oso ala ni mixima iaiuka.

Jisálamu 97:1

Jihova ua hingi ungana uê; ixi ioso i tane-ku! Ni mu ikolo iê iavulu a kale ni ngalasa.

Jisálamu 97:12

Sangulukenu mua Jihova, enu mua iukila mu njila iê; sakidilenu mu kuxinganeka o dijina diê dikola.

Jisálamu 98:4

Dikodienu kua Jihova ni kusanguluka, enu oso mua tungu mu ngongo; tenu nzongo, sangulukenu, xikenu mujika.

Zakadiia 4:7

Eie nanhi, mulundu ua dikota? Bhu pholo ia Zolobabele ua kà kituka-phe u kiphenza. Kuma muene ua kèza ni di tadi dia sukidila-ku dia thunge, ni ku mu tela o kikoue, kuila: Èue! Èue, tadi dienhʼidi!

Loma 5:11

O kiokio ngó ki kiene, maji ni kiki tua sanguluka mua Nzambi, mukonda dia Ngana ietu Jezú Kristu, ua tena o ku tu bhanga tu makamba ma Nzambi, kuma kua Muène kuene ku tua luulukila.

Matendelelu 12:12

Anga mu kuata kutana ni kusanguluka bhu bhata dia Jihova Nzambi ienu, nʼenu ni anʼenu a mala ni anʼenu a ahatu, ni jiselevende jenu ja mala ni ja ahatu; ni levita uoso uala mu malumbu menu; oko muene ka moneka kânda dia undundu muʼaxaxi kenu.

Filipe 3:1

Mu kubhana o mahezu-phe, phange jami, nga mi ambela kuila Ngana a mi bhane kusanguluka kua soko. O mu ku mi sonekena o maka ene amoxi, eme ki kia ngi kumu, mbata, phalʼ enu kukondama.

Filipe 3:3

Kuma o kusaia kua kidi, etu tuala na-ku, tu akua kubheza Ngana ni Nzumbi ia Nzambi, ki ene, kana! Kuma etu o kujinga kuetu kuala mu kudituma ni Kristu Jezú. Ki tu dielela kima ki bhanga athu ku kanga mu xitu.

Filipe 4:4

Enu-phe, sanguluka jingʼ enu mua Ngana. Ngi tona o ku ki zuela: Sangulukenu!

I Samuuele 2:1

Hana bhenhobho anga u samba, uixi: Muẋima uami ua tanena kua Jihova; pholo iami ia zangalala mua Jihova; dikanu diami u sanga dia kulu mu kuolela o jinguma jami; mukonda nga sangulukila mu kubhuluka ku tunda kokuê.