Jisálamu 30:5 - O Mikanda Ikola

⁵ Kuma o kutema kuê, ku nanga ngó kithangana; o kulenduka kuê ku bhixila bhu suka o muenhu ua muthu! Né-mbe mu usuku, ki ku vunda, tua didi masoxi, kusanguluka-phe kuiza ni kimene.

Jisálamu 30:5 Iomraidhean Croise

Dimatekenu 32:24

Jakobo anga u xala ku sámbua koko ubheka uê; anga bhu kala diiala u di ẋina-nê katé kuáki.

Jisálamu 103:17

Maji o henda ia Jihova-phe, ku i tunda, ku i ia, ki iene thembu; ia xalela ku thandu dia akua uoma uê; o ku kumbidila kuê ni ku mululu ni ku mulaula.

Jisálamu 103:9

Muene ka jijila kubazela, kene mu kuila u ku tatela phonzo.

Jisálamu 143:8

Ngi bhangese kuivua o kulenduka kué mu kimene, kuma eie-muène nga ku dielela; ngʼidikize o njila ioso i nga tokala kuila, kuma o muenhu uami ua bhetukila ko kué.

Jisálamu 145:10

Ikalakalu ié ioso i ku sakidila muene, eie u Jihova; o athu é a kazola a ku tumbula.

Jisálamu 16:11

Eie u ngʼidikiza njila i bheka kuala muenhu, kuala kusanguluka kua mbote bhu pholo ié; o ku lukuaku lué lua kúdia sai-ku ima ia vondadi ki i kumu dingi.

Jisálamu 46:5

Nzambi iú bhobho, muene uala muʼaxaxe kê, kididi kiê ka tena ku ki sendumuna; Nzambi u di meneka mu ku a kudila.

Jisálamu 47:7

Kuma Nzambi muene Sobha ia dikota mu ngongo ioso; mu tumbudienu ni kuimba uhete o diximanu diê.

Jisálamu 59:16

Eme-phe ngi ku imbila mukonda dia nguzu ié iavulu; ngi suína dízui mu kimene, mu tumbula o kiadi kié ni kusanguluka; kuma eie Ngana u ditala diami dia di leka, u kididi kiami kia kulengela bhu kizuua kia kutata kuami!

Jisálamu 63:3

Kuma o henda ié kota, muenhu ndenge; kiene mizumbu iami ki i ku ximanena.

Jisálamu 97:12

Sangulukenu mua Jihova, enu mua iukila mu njila iê; sakidilenu mu kuxinganeka o dijina diê dikola.

Makatukilu 3:15

Nzambi anga u ta-ku dingi kuambela Mozé, uixi: Anʼa Izalaiele ua kà ambela kiki: Jihova, Nzambi ia jitata jenu, Nzambi ia Mbalahamu, Nzambi ia Izake, Nzambi ia Jakobo, ua ngi katula, iú ua ngi tumu ko kuenu; didi diene o dijina diami di xalela-ku, diene dia ku ngi lembalala na-diu kutunda muiji kuiza muiji.

Izaía 12:1

Mu kizuua kiná, eie ua kà kumbulula, kuamba: Jihova, nga ku sakidila, tata, mukonda, sumbala ua ngi kuatelele njinda, leluʼidi njinda ié iabhu, uala kiá ku ngi konda malamba.

Izaía 26:20

Uila kiki, enu mu mundu uami, ndenu, mu bokone mu jinzu jenu, mu di jikile momo, mu suame ngó kathangana, katé ki somboka o njinda.

Hozeia 6:3

Jihova-phe tu mu ijiie, tuende ni kujijila jinga ku mu ijiia; mukonda iú uiza, o kuxindumuka kuê mukuâ ni ukielu ua kizuua; ua-nda ku tu zungila mukuâ ni mvula, kala mvula ia isanga i kaiela ku mvula ia kudinji, ienda ni kutekela oxi.

Matesu 5:4

A zediua adila, mbata Nzambi ua kà a tululula.

II Kolindo 4:17

Kuma o hadi ietu iii i tua mu bhita na-iu iabhebhuluka, ia kithangana ngó, hinu i tu bhekela kuzediua kuavulu kinéne, kua beta ukota o hadi iii ndenge, kuxalela-ku ndú ku hadia ni hadia.

Dijingunuinu 22:1

Anju anga u ngʼidikiza ue o ngiji ia menha ma muenhu, mazele kala kidistalo, i fuafua bhu kiandu kia Nzambi ni kia Kambudi,

Dijingunuinu 22:17

Ni Nzumbi ni Dibhanga, edi: Izá! Uoso ue uívua imʼíii, ele: Izá! Uoso dinhota dia mu kuata, eze. Uoso uandala, a tambule o menha ma muenhu mu ngoho.