Jisálamu 30:2 - O Mikanda Ikola

² Jihova, Nzambi iami, nga dikola ko kué, phala ku ngi banda, eie-phe ua ngi sake.

Jisálamu 30:2 Iomraidhean Croise

Dimatekenu 20:17

Mbalahamu anga u samba kua Nzambi; Nzambi anga u saka Abimeleke, ni mukajiʼê ni anʼa ahatu ku mbèle iê, a kala dingi mu vuala ana.

II Jisobha 20:5

Vutuka uambele Ezekiia, o mutumini ua mundu uami, kuila: O Jihova, Nzambi ia tatʼenu Davidi uambe kiki: O musambu ué nga uivu, ni masoxi mé nga a mono; tala-phe eme nga-nda ku ku sakula; o mu kizuua kia katatu ua-nda kubanda mʼonzo ia Jihova.

Jisálamu 118:18

Jihova ua ngi bhe muene kaxtiku kavulu; maji ka ngʼehelela ni ngi fue.

Jisálamu 145:1

Nga ku zangeleka, eie u Nzambi, u Muenexi uami; ngi tumbula jinga o dijina dié, kutunda muiji kuiza muiji.

Jisálamu 147:3

Akexe ni kikote kia muẋima u a saka, hé u a tumba o italákanha ia malamba mâ.

Jisálamu 35:24

Ngi fundise, Jihova, u Nzambi iami, mu kidi kié ki uene na-kiu; enhó ka kale dingi mu ku ngi tobhesa.

Jisálamu 41:12

Eme-phe bhabha, ua ngi bhana o kulaia, mukonda ua ngi mono o kulúnga kuami, eie ua ngi bhana o kuimana bhu pholo ié, katé ku hádia ni hádia.

Jisálamu 51:8

Phala ngi kale dingi ku ngalasa ni kutululuka; o ifuba i disanze dingi i ua bukujula.

Jisálamu 6:2

Ngi kuatele henda, u Jihova, kuma nga bhele, nga xoueta; u Jihova, ngi sake; kuma ngala kukata katé ni mu ifuba.

Jisálamu 88:13

Eme-phe ko kué ku nga dikola, u Jihova; mu kimenemene musambu uami u ku sanga.

Makatukilu 15:26

Hé u a ambela, uixi: Se u ívua kiambote o dízui dia Jihova, Nzambi ié, hé u bhanga kioso kia mu iukila ku mesu mê, ni u bhana o dítui ku itumu ié, hé u aiuka o ijiia iê iene ioso, ki ngi te dingi mahaxi ku thandu dié, né uhaxi umoxi ku mahaxi oso u nga te ku thandu dia akua Ijitu; kuma eme ngi Jihova, eme-muene ngi ku saka.