Jisálamu 3:8 - O Mikanda Ikola

⁸ Kubhuluka ku tunda kua Jihova; o ku thandu dia mundu uê ku kale dibesá. (Selah.)

Jisálamu 3:8 Iomraidhean Croise

II Samuuele 23:12

Muene-phe u imana mu kaẋi ka díbhia u di bhângela, u jibha akua Fidíxia. Jihova anga a kalakala kubhanduluka kua kikóue kia dikota.

Jisálamu 119:94

Eie-muène ua ngʼivu, ngi bhulule, Ngana, kuma ngi ué; mukonda o ijila ié nga i bhindamena muene.

Jisálamu 29:11

Jihova muene u bhana o nguzu ku mundu uê; Jihova u zediuisa o mundu uê ni kutululuka.

Jisálamu 31:16

Pholo ié i kale ni ngalasa, ko kuami ngi mubhikʼé; ngi bhulule mu kulenduka kué ku uene na-ku.

Jisálamu 58:7

A bhite kindala kala hungulule ia menhʼa mvula; o ki ela asa athu, o matoma mâ ma bukujuke.

Jisálamu 72:17

Dijina diê di nangenena katé ku hádia ni hádia; diia ni kusambuka muene ni ku mululu ni ku mulaula, kioso hanji ki kala mu nangenena o dikumbi; athu a kala mu ku a bhana dibesá mu dijina dia muene; o ifuẋi ioso mu ngongo a mu ixana kuma Mukua jimbote.

Jisálamu 9:20

A kuatese uoma, eie Ngana, u Jihova; mbé akua jixi a kʼijiie kuma ala ngó athu a xikamena kúfua. (Selah.)

Jisabhu 21:31

O kabalu a ka polondala muene, mbé o kizuua kia kʼèza o ita; maji o ki dʼiza-bhu, o kutolola kikale ku tunda kua Jihova.

Izaía 43:11

Eme, eme-muène ngi Ngana, kana-ku Mubhuludi uengi, kale eme ngó.

Jelemiia 3:23

Kia kidi kiene, kingoho o kudielela o tuthuthulundu ni ku nzungule ia i-milundu; kuma o kubhuluka kua Izalaiele kuala mua Jihova Nzambi ietu.

Hozeia 13:4

Sumbala kiene, hanji tunde koxi ia Ijito, eme Jihova Nzambi ié; kala kiki, kana ku di tambulula dingi ni nzambi iengi nʼu ngi xi eme, mbata ki kuene dingi Mubhuludi uengi, kale eme-muène ngó.

Jona 2:9

Maji eme-phe ngi ku satela, ni kuimba ni mbimbi ia kusakidila; ngi futa ioso i nga di hambelela kua Jihova; o kubhuluka kuami ku tunda kua Jihova.

Dialuilu 10:35

Kioso-phe ki katuka álaka, Mozé u zuela, uixi: Zanguka, u Jihova, jinguma jé, u ji muanganese; oso a ku zembe ua bhese lusolo.

Jipoxolo 3:26

Kienʼiki, Nzambi ua solo Mubhikʼê Jezú, iu ua tuama ku mu tumikisa kokuenu, mbé o ku mi zediuisa, phala o muthu ni muthu mudienu, muène a mu ehese o muenhu ua ku ta ituxi.

Jipoxolo 4:12

O kubhuluka kikale kua Muène ngó. Kuma o bhoxi dia diulu ʼabha, bhu ʼaxaxe kʼ athu, kana-bhu dingi dijina diengi dia bhana-bhu, dia tokala di kala dijina dia ku tu bhulula. Kiene kia bhekela kuila o Nzambi dijinʼidi ua di tula bhuma bhua bhingi kana muthu u lémbua kubhiẋila-bhu.

Efezo 1:3

Tu ximane Nzambi, Tata ia Ngana ietu Jezú Kristu! Mukonda ua tu benzela mua Kristu ni ku tu bhana o mabesá moso ma nzumbi, ku ididi ia diulu.

Jihebeleu 6:14

Muène uixi: Mu kidi kiene, o kuzediua ngi ku zediuisa, o kusokolola, ngi ku sokolola.

I Phetele 3:9

Kana kuvutula phulu mu phulu, kana kuvutula ndaka mu ndaka. Bhu kididi kia ndaka ki kale-phe mu vutula dibesá, kuma Nzambi kiene kia mʼixanena, ni mu lundule dibesá.

Dijingunuinu 19:1

Kia bhiti o imʼiii, ngevu kala dízui dia mundu ua dikota mu diulu, exi: Ximanenu Nzambi! O kubhuluka, ni kufumana, ni kutena, kua ngene kua Nzambi ietu!

Dijingunuinu 7:10

Anga a kola ni dízui dia dikota, exi: O kubhuluka kuetu ku tunda kua Nzambi ietu ua xikama bhu kiandu, ni kua Kambudi!