Jisálamu 28:4 - O Mikanda Ikola

⁴ A bhange kala kioso kia bhanga jinga ene, kioso kia tokala mu kukalakala kuâ kua kubhukumuka; a bhane muene kia soko mu ufunu ua maku mâ, a fute, Ngana, kioso kia a tokala.

Jisálamu 28:4 Iomraidhean Croise

II Samuuele 3:39

Eme lelu hanji nga kambe nguzu sumbala a ngʼundu ku ungana; mala enhá, anʼa Zeluia o kuẋinuka kuâ kua ngi bhonzo; Jihova-phe muene u futa o kisuéia, kioso kia tokala mu usuéia uê.

Ejidala 9:13

O kiki-phe, kia tu bhiti ima iosuʼiii mukonda dia ibhangelu ietu ia ibha, ni kuêla kuetu kua dikota, etu tua mono hanji, kuila, eie u Nzambi ietu, ua fudisa kuila a tu jikinisa muene loló, mukonda dia ikuma ietu, eie ua tu bhané hanji dingi o ubhulukilu kala iú!

Jisálamu 103:10

Ka tu bhanga kala kia fuama mu ikuma ietu, ka tu kaxtikala kala kia tokala ituxi ietu.

Jisálamu 21:10

Eie, Ngana, mbutu iâ ua kà i jima mu ngongo; muiji uâ u bhua-ku muʼaxaxi ka anʼathu.

Jisálamu 5:10

A êlese ku mulonga, eie u Nzambi; nda a di bhale mu jipangu ja di longesa mudiâ; a kaiese, Ngana, mukonda dia kubhukumuka kuâ kuavulu; kuma eie muene, u Ngana, a ku kitukila.

Jisálamu 62:12

Ni kulenduka kua ku tokala, eie Ngana; kuma eie-muène u vutuila o muthu kala kioso kia fuama mu kukalakala kuê.

Kuditenda 3:64

Jihova, eie hinu u a bhana o futu, ia soko ni ikalakalu ia maku mâ.

Izekiiele 38:10

O Jihova Nzambi uambe kiki: O mu kizuuʼomo kia kà bhita kuila o ku muẋima ué ua kà kala ni ixinganeku, hé ua kà funha kima kia ibha.

Loma 11:22

Talesenu o kulenduka ni kutema kua Nzambi: Kua ene a di bhale, muène ua tema; ko kuenu-phe, ua lenduka, enu ki mu jiza mu kulenduka kuê. O ki mu kamba kujiza, enu ue hadia a mi batula-ku.

II Timote 4:14

Xandele dia musudi ua ngi bhange phulu iavulu. Ngana u mu vutuila kia fuama mu imbamba iê iene kubhanga.

Dijingunuinu 18:6

Kioso kia bhangele muène, mu futienu-kiu; kioso kia fuama mu imbamba iê, mu vutuidienu-kiu mu luiadi! O kopho ia mi lungidile, muène ue mu lungidienu-iu luiadi.

Dijingunuinu 22:12

Jezú uixi: Bhulakanenu! Eme ngi lenguluka kuiza! Ni kifutilu kiami nganda kuiza na-kiu, mu kuuanena athu oso kioso kia tokala mu ima iâ ioso ia bhanga jinga.