Jisálamu 27:6 - O Mikanda Ikola

⁶ Ki bhangesa mútue uami u bhetuka, jinguma ja ngi bhindamena ngʼa muena ngó bhoxi; anga ngi bhana mu balaka iê jisata ja kusakidila; ngimba mikumbi, ngi sanguluka mu kuximana Ngana.

Jisálamu 27:6 Iomraidhean Croise

Dimatekenu 40:13

bhua kà bhitila izuua itatu, Falaó ua-nda ku ku bhetula mútue, (ua-nda ku ku eha), u ku ta dingi ku kijingo kié; ua kala dingi mu kubhana o kopho kua Falaó, kala ki ua kexi kubhanga mʼokulu, ki uala u kopelu iê.

Dimatekenu 40:20

Mu kubhiẋila-phe bhu kizuua kia katatu, kizuua kia Falaó kubhanga mivu ia ku mu vuala kuê, u bhanga fesa ia jiselevende jê joso; anga u bhetula mútue ua kopelu ia dikota ni padelu ia dikota mu, axaxi ka jiselevende jê.

II Samuuele 22:1

Davidi anga u tela Jihova maka moso ma muimbu iú, kizuua kia mu kudila Jihova bhu lukuaku lua jinguma jê joso, ni bhu lukuaku lua Saúlo, uixi:

II Samuuele 22:49

Muene ua ngi katula muʼaxaxi ka jinguma jami, iu ua ngi bhake ditala, enhó ka ngi tena oso a ngi kala ni luma, muene ua ngi tambula ku kiiala kiasuina.

II Samuuele 7:9

Eme ngende ni eie kuoso-kuoso ku ua di tela jinga, jinguma jé nga ji buikisa bhu pholo ié; nga ku jîngisa o dijina, kala o majina ma athu ónene a fumana mu ngongo.

II Jisobha 25:27

Kia zubha kubhita imʼiii mu muvu ua makuinhi a tatu ni sambuadi, ua ubhika ua Nzuakí, sobha ia Juda, mu kizuua kia makuinhi aiadi ni sambuadi, bhu mbeji ia kuinhi ni kiiadi kiene Evile-Melodake, sobha ia Babilónia, mu muvu uandeka muene o kutu mina, kia bhetula o mútue ua Nzuakí, sobha ia Juda, a mu tele mu kiboiongo anga u mu katula-mu, u mu jituna.

I Malunda 22:18

Manhi, o Jihova, Nzambi ienu, kala ni enu? O muene ka mi nhohesa ku jimbandu kuene kuoso? Kuma ni kidi kiene, muene ua bhakula bhu lukuaku luami o athu atungu mu ixi, o ixi iii ia toloka kienhiki bhu pholo ia Jihova ni bhu pholo ia mundu uê.

Jisálamu 107:22

A mu satele jisata ja kusakidila, o ikalakalu iê a i tumbule ni kuimba ni kusanguluka.

Jisálamu 110:7

U nuina ku ngiji mu njila iê, anga uia ku pholo ni mútue ua bhetuka.

Jisálamu 119:108

Xikina, Ngana, nga ku diondo, ioso i nga ku bhakuila ni dikanu diami, u ngi longe kioso ki kala o mabatuilu mé:

Jisálamu 138:5

Kidi kiene, mauendelu mé a ma ta ku mukumbi, kuma o fuma ia Jihova ia vulu kinéne!

Jisálamu 21:1

Muenexi ua sanguluka mu nguzu ié, u Jihova; kutana kuahi, mu ubhulukilu ué!

Jisálamu 21:13

Zangalala, Jihova, mu nguzu ié; etu tu kale mu ku ku imbila, ni ku ximana o uzonda ué.

Jisálamu 3:3

Maji Eie-phe, u Jihova, u ngubu iami ia ku ngi xitila; Eie-muène u kijingo kiami, eie ua ngi bhetula o mútue.

Jisálamu 3:4

Nga suína dízui ni ku dikola kua Jihova, muene-phe ua ngʼitaia ku mulundu uê ukôla. (Selah.)

Jisálamu 47:1

Kuatenu jimbánda, enu mu mundu uoso; kolenu Nzambi ni dízui dia kikóue.

Jisálamu 57:8

Phaphumuka, eie u muenhu uami moxi! Phaphumuka, kakoxi ni mbànza! Eme-muène ue ngi phaphumuka mu kimenemene munhá!

Jisálamu 81:1

Imbenu ni ngalasa kua Nzambi nguzu ietu; dikodienu di kusanguluka kua Nzambi ia Jakobo.

Jisálamu 95:1

Ndokuenu, tu imbidienu Jihova ni kutana; tu dikodienu ni ngalasa bhu ditadi dietu dia kubhulukila.

Izaía 12:6

Eie ua tunga mu Ziione, imba ni kutana, sanguluka, mbata Dilemba dia Izalaiele, uene momuè, Ukôla.

Jelemiia 31:7

Mbata Jihova uixi: Imbenu ni ngalasa kua Jakobo; tanenu mukonda dia Kitoto kia ifuẋi; tenu nzongo, imbenu diximanu, zuelenu muexi: Bhulula, Jihova, o mundu ué iá, a subhuka kua Izalaiele.

Jelemiia 33:11

Hanji a-nda kuívua-mu o mbimbi ia kukemba, ni mbimbi ia kusanguluka; mbimbi ia ngaiala, ni mbimbi ia dibhanga; ni mbimbi ia iá a mu tanga, exi: Ximanenu Jihova dia Ifuẋi, kuma Jihova mukua mbote, mukonda o kulenduka kuê ki kuene kúbhua; ni mbimbi ia iá a mu kuiza mu ku bheka diximanu monzo ia Jihova; mbata o kikexilu kia ixi nga-nda ku ki lungulula uila ku dimatekenu, kiene kia tange Jihova.

Zakadiia 9:9

Sanguluka kiavulu, eie monʼa kilumba mu Ziione; Tumbujuka ni ngalasa eie u monʼa kilumba mu Jeluzaleme; tala, sobha ié iú uiza kokué, u fundisa mu kidi, Mubuludi, ngadiama, ua sambela ku thandu dia bulu, ku thandu dia kaseseme ka bulu, kamona ka bulu ia mukaji.

Jihebeleu 13:15

Mukonda dia Jezú Kristu tu bhanienu kilumbu kia kuximana jinga Nzambi. O diximanu didi, iene o sata i tua bhakula—ujitu ua tundu ku mizumbu i fisala o dijina diê.

I Phetele 2:5

Enu uenu kala mu matadi ma muenhu, ehelenu-phe Nzambi phala a mi Uzale mu kutunga o Tembulu ia nzumbi, ni ku mi bhanga kibuka kia jinganga jolumbile Nzambi, ji bhana o jisata ja nzumbi, ji uabhela Nzambi, mukonda dia Jezú Kristu.

Dijingunuinu 15:3

Anga emba o muimbu ua Mozé, ngunza iangene ia Nzambi, ni muimbu ua Kambudi, exi: Eie Ngana Nzambi, Muteni-a-Ioso, o ikalakalu ié kukula kuahi, ikalakalu idiuanesa kinéne! Eie, Ngana, u Sobha ia miji ioso, o ixinganeku ié kuiuka kuahi, ima ioso i u sola kubhanga, ia kidi!

Dijingunuinu 5:9

Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.