Jisálamu 27:4 - O Mikanda Ikola

⁴ Kima kimoxi ki nga bhingi kua Ngana, kiene ki ngi bhindamena jinga: o kutunga mʼonzo ia Jihova izuua ioso ia muenhu uami, mbé kutala o kuuabha kua Ngana, ni kudilonga jinga maka mu Tembulu iê.

Jisálamu 27:4 Iomraidhean Croise

II Samuuele 21:1

Anga ku kala nzala mu izuua ia Davidi, i bhanga mivu itatu, kuiza muvu kiene, kuiza muvu kiene. Davidi anga u sota pholo ia Jihova, Jihova anga u zuela, uixi: Nzala iii iejila mukonda dia Saúlo, ni dibhata diê diaiibha ni manhinga, mukonda ua jibha akua Ngibiione.

Jisálamu 23:6

Kidi muene, o mbote ni henda i kala mu ku ngi kaiela, izuua ioso ia muenhu uami; ngà kala ni kukondama mʼonzo ia Jihova, mu izuua ni izuua sé dizubhilu.

Jisálamu 26:6

Maku ami nga a sukula, katé ki azele; phala ngi kondoloke kalatódio ké, u Jihova.

Jisálamu 26:8

Jihova, inzo ié ia ngi uabhela muene; kuma kiene kididi bhu ua tukuluila o kubenha kué.

Jisálamu 27:8

Kioso eie ki uambe, uixi: Sotenu pholo iami; eme muẋima uami uambe: Pholo ié, Ngana, ngi i sota.

Jisálamu 50:2

Kididi kia Ziione, ki ki moneka luiadi mu kuuabha, muene muala kutunda o kubenha kua Nzambi,

Jisálamu 65:4

U zediua muthu uoso eie ua mu solo, anga u mu bhiẋidisa kokué, phala nʼa tunge mu kithâdi kié; mbé tu ikute jinge ni jimboteʼojo ja dibhata dié, ja Tembulu ié ikôla.

Jisálamu 84:10

Kuma kizuua kimoxi ku lumbu lué, kota, o midi ku bhata diengi, ndenge! Ngʼinda ngi kala ngi muthu ua kuimana ngó bhu muelu uaʼnzo ia Nzambi iami, ki ngʼindi kutunga ku mabhata ma akua phulu.

Jisálamu 84:4

A lungu-â oso a tungu mʼonzo ié; a kala jinga mu ku ximana sé kuzumbuka. (Selah.)

Jisálamu 90:17

O uabhelu ua Jihova, Nzambi ietu, u kale ku thandu dietu; u kôlese ikalakalu ia maku metu; èué, ikalakalu ia maku metu i kuate kiambote.

Jelemiia 29:13

Mua-nda ku ngi sota, anga mu ngi sanga, kioso ki mu ngi sota ni muẋima uenu uoso ua muvimba.

Daniiele 9:3

Anga ngi lungulukila pholo iami kua Ngana Nzambi, mu ku mu sota ni musambu ni ku mu dionda, bhenhobho nga jidi, ngi di ta kidinhaji, ngi di kuua utókua.

Zakadiia 9:9

Sanguluka kiavulu, eie monʼa kilumba mu Ziione; Tumbujuka ni ngalasa eie u monʼa kilumba mu Jeluzaleme; tala, sobha ié iú uiza kokué, u fundisa mu kidi, Mubuludi, ngadiama, ua sambela ku thandu dia bulu, ku thandu dia kaseseme ka bulu, kamona ka bulu ia mukaji.

Matesu 6:33

Diangenu-phe kusota o Utuminu ua Nzambi ni uiukilu uê, nda ima ioso iii a mi kuiila-iu.

Luka 10:42

Maji kia kate-phe ngó kima kimoxi: Madiia ua solo o mbandu iambote, kà tena ku mu tambula-iu.

Luka 13:24

Bangamenenu o kubokuena bhu muelu ua phophama. Mukonda ngi mi ambela, sai-ku avulu a kà sota kubokona, maji a kà ki lémbua.

Luka 18:1

Jezú anga ua tela kifika phala ku a longa kuma a tokala kusamba jinga, sé kubhuila;

Luka 2:37

Hanji-phe kia xala mutudi, ua kuata kiá makuinhi-nake a muvu ni iuana. Muène, mu Tembulu kene kutunda-mu dingi, u kala-phe mu kalakela Nzambi ni mu usuku ni mu muanha, ni kujejuuala ni kusamba.

II Kolindo 3:18

Uila kiki, etu enoso, ni pholo iofutumune, tu kala mu londekeza o kubenha kua Ngana kala ki bhanga o lumuenu. Kuma o kubenha koko kua mu tunda kua Ngana, muene o Nzumbi. Kuene ku tu kitulula anga tu di fuangana ni Ngana, o mu kienhiki o kubenha kuetu kuia ni kudibandekeza dingi kithangana ni kithangana.

II Kolindo 4:6

Mbata o Nzambi ió, uoso ua ki ambe kuila: O mukengeji u muikine muʼavundu, muène ua bhangesa mukengeji ku tu muikina ku miẋima ietu. Mbe o ku tu bhekela mukengeji ua kuijiiʼoko kua fuma ia Nzambi, ia mu benha mu pholo ia Jezú Kristu.

Filipe 3:13

Enu jiphange, eme ki ngi di fika luua kuma nga kuata. Maji ngi bhanga-phe kima kimoxi: Ngiia ni kujimba o ima ia xala ku dima, ni ku di sungila ku ima iala ku pholo.

I Timote 5:5

Muhatu uoso-phe uala mutudi mu kidi, ka moneka thumba ni samba u mu tambula konda, ió o kudielela kuê kua kuata ngó kua Nzambi, kuma u jijila kusamba usuku ni muanha mu kubhinga dikuatekesu kua muène.

Jihebeleu 11:6

Muthu-phe ua kambe o kuxikana ka tena kuuabhela Nzambi. Kuma uoso uiza kua Nzambi ki kala u xikana kuila sai-ku Nzambi, kuma muène mukua kubhandulula oso a mu sota ni muanu.

I Samuuele 1:11

Anga u di hambelela, uixi: Jihova dia ifuẋi, se ni kidi kiene u ngi tala o kutata kuami eme ngi mubhikʼé, se u ngi ta muẋima, nʼu kambe ku ngi jimba eme ngi mubhikʼé, phala ki ngalʼiki ngi mubhikʼé u ngi bhane monʼa diiala, eme-phe ngi mu bhana kua Jihova izuua ioso ia muenhu uê, ki kua bhita phoko ia bhutu ku mútue uê.

I Samuuele 22:10

Muene anga u mu zambuila kua Jihova, u mu bhana huta, u mu bhana ue o xibhata ia Ngoliia mukua Fidíxia.

I Samuuele 30:8

Davidi anga u ibhula kua Jihova, uixi: Kibuka kiki, se ngi ki kaiela manhi ngʼa kuata? Anga Jihova u mu vutuila, uixi: Kaiela, u a kuata muene, iene ioso u i tambula dingi.