Jisálamu 27:3 - O Mikanda Ikola

³ Né-mbe kifuxi kia ngi bhake mu kaẋi, muẋima uami ki u kala ni uôma; né kua ngi vubuka ita mu ku ngi lua, hanji, ngi dielela kua muene.

Jisálamu 27:3 Iomraidhean Croise

II Malunda 20:15

Anga uila: Enu Juda ioso bhanenu mátui, ni enu mua tungu mu Jeluzaleme, nʼeie sobha Jozafate: Jihova uambe kiki: ki mu kale ni uoma mba mu sasumuka mukonda dia kifuẋi kiki kia dikota, mukonda o mvunda ki ienuʼenu, maji ia Nzambi.

Jobe 4:6

Manhi o uoma ué u ua kuatela Nzambi, ki kuene ku ua tele muẋima, o kudielela kué ki kuala ku njila jé-eie ja iuka?

Jisálamu 112:7

Ka kala ni uoma ua ku mu tudila njimbu iaiibha; kuma muẋima uê ua di fikidila ni kudielela Jihova.

Jisálamu 3:6

Ki ngi kala dingi ni uoma, né jimidi ja athu a ngi balukila ku mbandu ni mbandu.

Jisálamu 3:7

Balumuka, eie u Jihova; u ngi kudile, Nzambi iami! Kuma jinguma jami eie ua ji bhana huxi ia pholo; o isuéia eie ua i bukula o mazu.

Jisálamu 52:6

O athu aiuka a kà ki mona, hé a kà kala ni uoma; muenhó a kà mu olela, kuila:

Filipe 1:28

Kana kukala ni uôma ua jinguma. Maji múbhua jinga uôma, phala ki kale kijimbuete kia ku a edikiza kuila anda kutoloka; phala enu-phe, kiedikiza kuila muanda ku a tolola, mbata o kubhuluka kuenu ku tunda kua Nzambi.

I Phetele 3:14

Se enu mua tale hadi-phe mukonda dia kuiuka, mua zediua! Ki mu kale ni uôma ua muthu, ki mu tandanganhe.

Dijingunuinu 2:10

Ku kale ni uôma ua jiphaxi ji ua-nda kubhita na-ju. Talesenu, amoxi mudienu, Diabhu ua-nda ku mi ta muʼaleia phala ku mi lola. Mu tala hadi mu kuinhi dia izuua. Kala-phe u fiiele katé bhʼufilu, eme ngi ku bhana o kitundu kia muenhu.

I Samuuele 19:8

Anga ku kala dingi ita: Davidi anga u tunda, u lua ni akua Fidíxia, u a jibha ni kihaẋi kia dikota; ene anga a mu lenga.