Jisálamu 27:1 - O Mikanda Ikola

¹ Jihova muene umuikinu uami, ubhulukilu uami; ngi kala-phe ni uoma ua nanhi? Ngana muene ua ngi bhana o nguzu ia kukola muenhu, uebhi-phe ngi mu kala ni hele?

Jisálamu 27:1 Iomraidhean Croise

Jobe 29:3

Kioso Muene kia ngi muikina jinga ni kandeia kê bhu thala ia mútue uami, eme hé mua vundu ngiia ni kuendela mu mukengeji uê.

Jisálamu 11:1

Kua Jihova kuene ku nga lengela! Enu-phe muala ku ngʼila kiebhi, tuka lusolo kala kanjila, uà kale ku milundu kuná?

Jisálamu 118:21

Ngi ku sakidila muene, kuma eie ua ngʼitaia; ua di bhange kiá u mubhuludi uami.

Jisálamu 118:6

Jihova uala bhu mbandu iami, ki ngi kala dingi ni uóma; hé kima, muthu u ngi bhanga-hi?

Jisálamu 18:28

Jihova u ngi bambuila kandeia kami, o mu usuku mu ngi bhita, Nzambi iami u ngi zelesela-mu.

Jisálamu 18:29

Kuma mu nguzu ié, Ngana, ngi kaia ilômbo ia jinguma, mu kutena kua Nzambi iami ngi tuka imbaka.

Jisálamu 18:46

Jihova u kôla; a tane-ku, ditadi diami! a zangalale, Nzambi iami ia kibhamuenhu!

Jisálamu 19:14

O kuzuela kuami kua dikanu, ni kubanza kuami kua muẋima, ku kale kuoso kua ku ku uabhelʼeie, u Jihova, u Nguzu iami, u Mukudi uami!

Jisálamu 3:8

Kubhuluka ku tunda kua Jihova; o ku thandu dia mundu uê ku kale dibesá. (Selah.)

Jisálamu 43:2

Kuma eie, eie u Nzambi iami ia kimbaka; phala-hi u ngʼehela ngó mu kanga? mbebhuʼohi ngiia jinga ni kudila ni dilamba mukonda dia ubhika uala ku ngi bhikisa na-u o nguma?

Jisálamu 62:2

Nzambi muene ngó o ditadi diami di ngi bhana muenhu; kua muene ku nga kondamena, ka ngi zambesa kiavulu, kana!

Jisálamu 62:6

Muene ngó o ditadi diami di ngi lengela; muene kubhuluka kuami; kua muene ku nga kondamena, ka ngi zambesa, kana!

Jisálamu 84:11

Kuma Jihova Nzambi muene dikumbi dietu, ngubu ietu; Jihova u tu bhana kiadi ni ujitu; kana kima kiemina, athu enda ni muẋima uazele.

Makatukilu 15:2

Jihova muene nguzu iami, mukumbi uami, kua muene kua ngʼijila kubhuluka. Iú Muene Nzambi iami, ngi mu ximana jinga; muene Nzambi ia tatʼetu, eme ngi mu zangeleka.

Izaía 12:2

Talesa-ze, Nzambi muene ubhulukilu uami; eme, muene ngi mu dielela, ki ngi kalʼami ni uoma; mukonda o Ngana Nzambi, muene nguzu iami, muene mukumbi uami, iu lelu ua di-bhange kibha-muenhu kiami.

Izaía 2:5

Enu mu dibhata dia Jakobo, zenu; tuendedienu mu mukengeji ua Jihova.

Izaía 45:24

A kà ngi zuela kuila: Mua Jihova ngó ubhèkelele uê, muene muala o kuiuka ni kutena; a kèza kua muene; ene oso a kà mu lungulukila, sonhi ja kà a kuata; a-nda kukakuka.

Izaía 61:10

Nga kà sangulukila kiavulu mua Jihova, muẋima uami u tanena mua Nzambi iami; mukonda ua ngi zuika ni izuatu ia kubhuluka, ua ngi vungu dibeka dia kuiuka, mukuâ ni ngàiala ua kembela ubhanga, kala dibhanga dia di-zakela ni makembu mê.

Jelemiia 20:11

Maji-phe o Jihova uala ni eme, mukua ni dizonda dia manekena ita; kienhiki, o ió a ngi langata, a-nda ku di bhukana, ka-nda kutena kutolola; sonhi ja-nda ku a kuata kinéne; mukonda ka bhange ima ia kubhanduluka, a xikamena jisonhi ji nagenena ki ji xikina ku ji jimba.

Malakiia 4:2

Maji, phala enu-phe, oso muene mu kuxila Dijina Diami, kua kà mi kiela Dikumbi dia Kuiuka, diene dia kà mi bhekela ubhulukilu, uijiia na-u moxʼa mabhabha mê; enu-phe mua kà tunda, mua kà tuka-tuka mukuâ ni tuana tua ngombe kioso ki tu tunda mu kibhanga kiâ.

Matesu 8:26

Muène-phe ua ambela, uixi: Mualela-hi ni uôma, enu mua tolo o kuxikana? Anga u fundumuka, u bazela o kitembu ni menha ma kizanga; kuma anga ku tululuka, ku di xibha kiambote.

Luka 2:30

Kuma mesu mami ma mono kiá o ubhulukilu ué,

Luka 3:6

Xitu ioso anga i mona o kubhuluka kua Nzambi.

Nzuá 1:9

Iú uene mukengeji ua kidi, ueza mu ngongo mu ku muikina athu oso.

Nzuá 8:12

Jezú anga u kuata kua ambela dingi, uixi: Eme ngi mukengeji ua mundu. Uoso u ngi kaiela eme, kʼ ende mu ʼitombe, maji u kala ni mukengeji ua muenhu.

Loma 8:31

O kiki-phe, imʼ iii tu ila kiebhi? Nzambi se uala ku mbandu ietu, nanhi u tena ku tu tolola?

II Kolindo 12:9

Muène-phe ua ngambela uixi: O kiadi kiami ki ku sokesa-na-u. Kuma nguzu iami i beta kota mu kutena mu ku bhuila kué. Uila kiki-phe, nga sanguluka, kimuua ngi di fiiala o kubhuila kuami, phala nguzu ia Kristu i kale ni kutena momuʼami.

Matendelelu 7:18

Kana, kua a kuatela ngó uoma, Lembalala kioso kia bhange Jihova Nzambi ié kua Falaó ni ku Ijito ioso.

Matendelelu 7:21

Ku kale-phe ni u ô ma, anga u teketa mukonda dia ene, mbata o Jihova Nzambi ié uala muʼaxaxi ké, muene Nzambi ia dikota, u kuata uoma!

Filipe 4:13

Ima ioso nga soko na-iu mua Kristu ió mukua ku ngi bhana o kutena.

Jihebeleu 13:6

Uila kiki, tu kolokotienu ni kuila: Ngana muène mukuatekexi uami, eme ki ngi kala ni uoma. Hé muthu u ngi bhanga-hi?

Dijingunuinu 21:23

O mbanza íii ki i bhingi ku kala dikumbi, mba mbeji, mu kumuikina-mu, mukonda o kubenha kua Nzambi kua zelesa-mu, o Kambudi muène o kandeia kâ.

Dijingunuinu 22:5

O usuku ki uà kala-ku dingi, ka kà bhindamena ue mukengeji ua kandeia, mba muanha ua dikumbi, mukonda o Ngana Nzambi muène ua-ndu kala muanha uâ, hé à kala ku ungana mu mivu ni mivu sè dizubhilu.

Dijingunuinu 7:10

Anga a kola ni dízui dia dikota, exi: O kubhuluka kuetu ku tunda kua Nzambi ietu ua xikama bhu kiandu, ni kua Kambudi!