Jisálamu 26:8 - O Mikanda Ikola

⁸ Jihova, inzo ié ia ngi uabhela muene; kuma kiene kididi bhu ua tukuluila o kubenha kué.

Jisálamu 26:8 Iomraidhean Croise

II Samuuele 15:25

Muenexi anga u ambela Zadoke, uixi: Ambata álaka ia Nzambi, u i bheke dingi mu mbanza; kuma eme se ngi sanga ngalasa ku mesu ma Jihova, muene hinu u ngi bheka dingi kuku mu ku i mona mesu, ni álaka iene ni dibhata diê didi bhua tungu.

I Malunda 29:3

O ku mbandu iami ememuène, mu vondadi iami, phala inzo ia Nzambi iami, nga bhana o ulu ni phalata, i ngala na-iu ia ndumba, katu-ku o ima ioso i nga iudika kiá phala o inzo ikóla ia dibhezelu.

II Malunda 5:14

Anga jinganga a lémbua kuimana, mu kubhanga ukunji uâ mukonda dia dituta, mbata o Kizunda kia Jihova kiezalesa o inzu ia Nzambi.

II Malunda 7:1

Kioso Solomá kia zubha o kusamba, kua tuluka túbhia tua diulu, anga tuʼoha jisata joso ni mibhaku; o unéne ua Jihova anga uizalesa o inzu ioso.

II Malunda 7:2

O jinganga-phe ka tenene kubokona mʼonzo ia Jihova, mukonda o kizunda kia Jihova kiezalesa inzu ioso ia Jihova.

Jisálamu 122:9

Mukonda dia inzo ia Jihova, Nzambi ietu, nginda Ngana a ku bhange mbote ja ndumba.

Jisálamu 42:4

Kienhiki ngʼila ki xinganeka, muẋima moxi ua ngi botomoka; kioso ki nga kexe mu kuila kumoxi ni kifuxi, nga mu ia ni akuetu mʼonzo ia Nzambi, ni dízui dia ngalasa ni kuximana, tua vulu tuala mu bhanga fesa!

Jisálamu 84:10

Kuma kizuua kimoxi ku lumbu lué, kota, o midi ku bhata diengi, ndenge! Ngʼinda ngi kala ngi muthu ua kuimana ngó bhu muelu uaʼnzo ia Nzambi iami, ki ngʼindi kutunga ku mabhata ma akua phulu.

Izaía 38:20

Jihova ueza ku ngi bhulula; o kienhiki ngi xika jinga kakoxi kami, ni tuende ni ku mu imbila ku izuua ioso ia muenhu uetu, mʼonzo ia Jihova.

Izaía 38:22

Ezekiia ue iu uambele, uixi: Kijimbuete kié kiahi, kuila eme nga-nda kubanda dingi mʼonzo ia Jihova?

Izekiiele 3:12

Anga o Nzumbi ia Nzambi u ngi balumuna, hé ngivua, ku dima diami, dízui dia mutendu ua dikota, dia tokomoka tundé bhu kididi kiê, diexi: O unéne ua Jihova u tane-ku!

Luka 2:46

O kia bhiti izuua itatu, kiene kia mu sange mu Tembulu, ua xikama muʼaxaxe ka jimesene ja Jijudé, uala ku a evua ni ku a ebhudisa.

Luka 2:49

Muène anga u ambela, uixi: Mua kexila-hi mu ku ngi sota? Ki mua kijiia, kuma nga bhingi ngi kala mʼonzo ia Tatʼetu?