Jisálamu 26:7 - O Mikanda Ikola

⁷ Ngi suina dízui ni ku ku sakidila; ngi tubhula fuma ia ikalakalu ié ia madiuanu.

Jisálamu 26:7 Iomraidhean Croise

I Malunda 16:24

Tangenu muʼaxaxe ka ifuẋi o fuma ia unéne uê, ni madiuanu mê muʼaxaxi ka mundu uoso.

Jisálamu 105:2

Mu imbidienu, imbenu ni ku mu ximana; tenu maka ma imbamba iê ia madiuanu.

Jisálamu 118:19

Ngi jikuidienu o mabhitu a kuiuka, a kutula o mazelele, ngi bokuene bhobho, nga kà sakidile Jihova.

Jisálamu 118:27

Jihova muene Nzambi ietu, ua tu bhana o mukengeji; sata ia fesa kutenu-iu mikolo, mu i bheke katé bhu jimbinga ja kalatódio.

Jisálamu 119:27

Ngʼijidise o njila ia mutendelu ué; phala ngi kale mu xinganeka jinga o madiuanu mé.

Jisálamu 134:2

Lekenu o maku menu mu kididi kiê kiangene, muende ni kubenzela jinga Jihova.

Jisálamu 145:5

Hinu ungana ué ngi u tanga o fuma, ni ikalakalu ié ia madiuanu.

Jisálamu 72:18

Jihova Nzambi a tane-ku! muene Nzambi ia Izalaiele; muene ngó ubheka uê uene mu bhanga o madiuanu!

Jisálamu 9:1

Ngi ximana Jihova ni muẋima uami uoso; ngi fumanesa ikalakalu iê ia madiuanu.

Jisálamu 9:14

Ua ngi vutula-phe phala ngi ku ximane kiavulu muene, bhu kanga dia mielu i monʼa kilumba Ziione, ngi tange kioso ki ua ngi bhulula, ngi ku ximane jinge ni kutana.

Jisálamu 9:2

Ngi sangulukila mo mué, ngi tana ni ngalasa; ngimba mu kuximana dijina dié, eie u Suke-ku!

Jisálamu 95:2

Tu bhixila bhu pholo iê ni kusakidila; tu mu kola ni kuimba jisálamu.

I Samuuele 1:24

Kia zubha ku mu sumuna anga u banda ni mona, ni ngalote jitatu ja ngombe ja kiubha, ni kinda kia fuba, ni kisudi kia vinhu, anga u mu bheka ku inzu ia Jihova mu Silo; kienhokio kambonga kene, hanji ala monʼa uisu.

I Samuuele 1:27

Nga sambelele ku ngi bhana mona muenʼiú; Jihova iú ua ngi bhana ujitu uoso u nga mu bhingile.