Jisálamu 25:3 - O Mikanda Ikola

³ Kana bá! oso a ku kinga eie ka tena kukakuka; a kakuka kikale ió a baluka ni kubhuma.

Jisálamu 25:3 Iomraidhean Croise

Dimatekenu 49:13

Nzebulone u tunga bhu tabhu dia kalunga; u kala ni ndundu bhu kuakela o jinaviiu; ndundu iê i di zala katé ku Sidone.

I Malunda 10:13

Kiene Saúlu kiafuʼiki, mukonda dia ikuma iê, ia te mu ku kitukila Jihova, ni mukonda dia kukamba kubhaka o kizuelu kia Ngana, ni mukonda uê dia kusota o kimbanda kia muhatu, mukua kuzambula, mbé ku mu kundila ima ioso,

Jisálamu 109:3

Ene a ngi kondo ni maka a unguma, a ngi balukila ni ku ngi lua, sé ngo kikuma.

Jisálamu 119:78

Akua izala ió, a kuatese jisonhi; kuma a ngi bhange phulu, sé kikuma; eme-phe ngi kana kuxinganeka mu ijila ié.

Jisálamu 123:2

Mukuâ ni mesu a mubhika kia tala ku lukuaku lua muadiʼê ni mesu a kahatu kia tonginina ku lukuaku lua ndona ua mu vu, kiene ue kia lungu o mesu metu kua Jihova, Nzambi ietu, katé kia tu kuatela henda.

Jisálamu 132:18

Nguma jê ngi ji zuika jisonhi ni kusebuka; o muene-phe kitundu kiê ki kala mu luendela.

Jisálamu 22:6

Eme-phe ngi kabamba ngó, ki ngi muthu, kana, a ngi tobhesa kuala athu, a ngi tènde kuala o mundu.

Jisálamu 27:14

Ngana, se kua mu mono, mu kinge; kolokota, muẋima u kuate nguzu iobhe; nga ku ambela muene, Ngana se kua mu mono, mu kinge.

Jisálamu 31:17

Kana ku ngi kakula, Jihova, tata! mukonda nga dikola ko kué; a kakuke o isuéia ienʼoio, ele muene hudí mu mbila.

Jisálamu 31:18

A bhane ububu, oso ala ni mizumbu i tanga makutu; akua kuhina-hina mu longolola o muthu ua iuka, anga a mu bhanga kasekelu, aia ni ku mu kenha.

Jisálamu 33:20

Etu, ki tualʼiki, tu kinga kua Jihova; muene dikuatekesu dietu, muene dixitilu dietu.

Jisálamu 35:26

A kakuke, ene, a diuane, sonhi ja a kuatele kumoxi, oso a bhindamena ku ngi kuama; a kale ni jisonhi ni kusekala kala kizuatu, oso a di kaka mu ku ngi bhanga eme o phulu.

Jisálamu 37:34

Kinga kua Jihova, u kuate njila iê; muene u ku zangeleka kulundula ixi; kizuua ki batuka ió abhukumuka, eie u ki mona mesu.

Jisálamu 6:10

Jinguma jami joso a-nda kudiuana, sonhi ja-nda ku a kuata; kindala a-nda kuvutuka ni dima, anga a kotokela ni jisonhi, ka-nda kumona kuoso kua di tela.

Jisálamu 62:1

Kidi kiene! muẋima uami ua ximbakata mu kinga Nzambi; kua muene ngó ku ngi tundila o kubhanduluka.

Jisálamu 62:5

Muẋima uami di xibhié, u kinge ngó Nzambi; mukonda kudielela kuami ku tunda ngó kua muene!

Jisálamu 69:4

Iá a ngi zembe sé kikuma, kota mu kuvula, o jindemba mu mútue uami ndenge; jinguma jami, a ngi zembe mu makutu, a suína; a mesena muene ku ngi batula mu muiji, ima ki nga i di ngoho, ia ngi bhingi ku i futa.

Jisálamu 69:6

Ki ki bhite, Ngana, u Jihova dia ilômbo, kuila athu amukuá ala ku ku kinga, a kuata jisonhi mukonda diami eme; Ngana Nzambi, athu amukuá ala ku ku sota, ka sebuluke mukonda diami eme, u Nzambi ia Izalaiele, tata!

Jisálamu 71:13

Enhó a kakule, Ngana, a buidise muene, oso ala ku ngi séia o muenhu uami a sebuluke, a jingunuke, ezale ni jisonhi, oso a mesena ku ngi bhanga o phulu.

Izaía 25:9

Mu kizuua kiókio, a kèla: Muenhú muene Ngana, tua mu kingile; ni kutana ni kusanguluka tua kà ku muena mu ubhulukilu uê.

Izaía 40:31

Maji oso a kinga kua Ngana-phe, a tambula nguzu iobhe, a di-leka ku mabhabha kala jiholokoko; alenga sé kuzônda, enda muene sé ngó kubhuila.

Izaía 49:23

O jisobha a kà ku sasela ana; ana ilumba a jisobha a kala iledi ié; a kà ku diundila jinga ni pholo bhoxi, a kà ku lesa jinga o fufuta ia inama ié, bhene bhu ua-nda kuijidila kuma eme-muène Jihova, oso a ngi dielela eme, ka tena kukakuka.

Jelemiia 20:11

Maji-phe o Jihova uala ni eme, mukua ni dizonda dia manekena ita; kienhiki, o ió a ngi langata, a-nda ku di bhukana, ka-nda kutena kutolola; sonhi ja-nda ku a kuata kinéne; mukonda ka bhange ima ia kubhanduluka, a xikamena jisonhi ji nagenena ki ji xikina ku ji jimba.

Kuditenda 3:25

Jihova muthu ua mbote phala ió oso a mu nhenganana muene, mbé o muthu uoso u mu bhindamena.

Mikeia 7:7

Eme-phe o Jihova muene-muène nga kà mu kinga, nga ka kinga kua Nzambi ia ubhulukilu uami; Nzambi iami ua kà ngʼivua.

Nzuá 15:25

Oko a ki bhange-phe mu kubhitisa o maka mòsoneke mu Kitumu kiâ, ma kuila: Ene a ngi zembe sé kikuma.

Loma 8:25

Maji ue se tua dielela kima kiluua tu ki mona, tu ki kinga ni kinhenge.