Jisálamu 24:2 - O Mikanda Ikola

² Mukonda muene ua xikika o ixi muʼaxaxi ka menha a kalunga; iu ua i kuatesa ni jingiji jezala menha.

Jisálamu 24:2 Iomraidhean Croise

Dimatekenu 8:22

Katé bhuoso bhua kà nangenena o ixi, ni thembu ia kukuna, ni thembu ia kubhongolola, mbambi ni munza, kixibhu ni mvula, ni muanha ni usuku, ki ia kà bhua-ku dingi.

Jobe 38:4

Eie ua kexile kuebhi kioso eme ki nga te madisesa ma ixi? Ngi tangele-kiu hanji se eie uejiia muene.

Jisálamu 136:6

Uombo mavu kuthandu, o menha nʼa kale koxi; kuma kulenduka kuê ki kuene kúbhua.

Jisálamu 33:6

Kizuelu kia Jihova kiene kia bhanga o diulu; kifuẋi kioso kiala-ku kiejila ku muha ua dikanu diê.

Jisálamu 89:12

Ni ku suku ni ku sulu eie-muène ua kalakala; ni milundu ia Tabola ni Helemone eie-muène ia ku tumbula.

Jisálamu 93:1

Jihova ua hingi ungana uê! Ua zuata kijîngo! Jihova ua zuata, ua di kutu uzonda: ixi ua i kuatesa bhu kididi kiê, ka tena ku i sendumuna.

Jisálamu 95:4

Jihonga joso ja mu ngongo jala bhu lukuaku luê; milundu ia di leka ue, muene ua i kuata, mukonda ia mu tokala muene.

Jisálamu 96:10

Tangenu-kiu ku matumbu muixi: Jihova ua hinge ungana uê. Muene ixi ua i kuatesa bhu kididi, ka tena ku i sendumuna; hádia muene u fundisa o mundu mu uiukilu uê.

Jelemiia 5:22

Jihova uambe: Enu nguenu ku ngi xila, kuambienu? nguenu ku ngi kala ni uoma, eme nga te o mbambe ia kisèkele kia hatu mu xitila o kizanga kia kalunga, i ia xalela ngonge i nangenena ia bhingi o muene u lembua ku i matuka? Né-mbe u fundumuna mabhuku mê, ka tena kutolola; né-mbe mabhuku a zuma, mbambe ka kà i somboka.