Jisálamu 22:8 - O Mikanda Ikola

⁸ Ua di fiiala Jihova, kiki a mu kudile-phe; a mu bhulule, kuma muthu uê ua mu uabhela kiambote.

Jisálamu 22:8 Iomraidhean Croise

Jobe 16:4

Eme uami ngeje kuzuela kala ki mua mu zuela enu, se o muenhu uenu ua kexile bhu kididi bhuala o muenhu uami? Inga, ngeje ku mi vudixila ndumba dia maka, anga ngi kubuakesa ue mútue uami mu ku mi bhanga kia ibha?

Jisálamu 109:25

Ki ngalʼiki ene a ngi bhanga kasekelu; ela a ngi mona, a kubuakesa ku mítue.

Jisálamu 18:19

Ua ngi bheka ue kididi kiadisanze; ua ngi kudidla, mukonda nga mu uabhela.

Jisálamu 37:5

Njila ié i uenda bhakula-iu kua Jihova, u mu dielele muene, a bhange-bhu kioso kia tokala.

Jisálamu 42:10

Môndo uala ku ngi ta o jinguma jami ua di bhange mukua ni xibhata ia mu ngi toma mu ifuba; kioso ki ala ku ngʼila izuua ioso, exi: Nzambi ié ua ku kala kuebhi?

Jisálamu 55:22

Se uevu kimbamba kia ku xina, iza na-kiu kua Jihova, muene u ku sokesa na-kiu; kuma muene kana kizuua ki ehela muthu uaiuka ku mu bhondeleka sé mbambe.

Jisálamu 71:11

Exi: Nzambi ua mu ehelela; enu, kalenu kiá mu mu kuate, mukonda ki bhuala dingi u mu kudila.

Jisálamu 91:14

Mukonda ua ngi naminina ni henda, eme-phe, ngi mu kudila; ngi mu tudika ditala, ka mu tena, mukonda ua ngʼijiia o dijina.

Jisabhu 16:3

Ikalakalu ié ioso bhakula-iu kua Jihova, muene u ku xikikila ima ioso i u kana kubhanga.

Izaía 42:1

Talesenu, selevende iami iú, nga mu fikidila eme, muthu uami nga mu solo, ua ngi uabhela ku muẋima; Nzumbi iami nga i te ku thandu diê; muene ua kà fundisa mu kidi akua matumbu.

Matesu 12:18

Talesa selevende iami nga mu solo; mukua henda iami ua ngi uabhela muẋima; ngi ta Nzumbi iami ku thandu diê, a kà bheke kufundisa kua kidi ku matumbu.

Matesu 17:5

Kioso Phetele kia kexile hanji mú zuela, talesa, dituta di luendela dia a vungina; o mu dituta anga mu tunda dízui, dixi: Muenhú Monʼami uózole, uene mu ngi sangulukisa. Ioso ia zuela, mu ivienunu muene!

Matesu 3:17

Tala, bhenhobho ni dízui di tunda mu diulu, dixi: Muenhú Monʼ ami a kazola, ua ngi uabhela kiambote.

Luka 23:35

Kifuẋi bhenhobho kiemana ni kutala. Afundixi anga a kala mu ku mu olela ni ku mu lalula, exi: Ua kexi mu kubhulula athu. A di bhulule-ze muène, se muène muene o Kristu a mu sola kua Nzambi.