Jisálamu 22:7 - O Mikanda Ikola

⁷ Oso a ngi mona a ngi bhanga kasekelelu; a buetula mizumbu, a bhuka ku mútue, exi:

Jisálamu 22:7 Iomraidhean Croise

Jobe 12:4

Eme nga di bhange ngi kima ki thathamesa makamba mami; eme nga hingila jinga Nzambi, muene hé u ngʼitaia; kiene muene, mukua kidi ni iú ua iuka, a bhangesa kuthathamana, a kuatesa njinda muene.

Jobe 16:10

Athu a ngi bhanena muene mu kanu, a ngi sebulula ni ku ngi bhana jihuxi ku matama; eneʼoso a di bhongolola mu kuzoka nʼeme.

Jobe 16:4

Eme uami ngeje kuzuela kala ki mua mu zuela enu, se o muenhu uenu ua kexile bhu kididi bhuala o muenhu uami? Inga, ngeje ku mi vudixila ndumba dia maka, anga ngi kubuakesa ue mútue uami mu ku mi bhanga kia ibha?

Jisálamu 109:25

Ki ngalʼiki ene a ngi bhanga kasekelu; ela a ngi mona, a kubuakesa ku mítue.

Jisálamu 31:18

A bhane ububu, oso ala ni mizumbu i tanga makutu; akua kuhina-hina mu longolola o muthu ua iuka, anga a mu bhanga kasekelu, aia ni ku mu kenha.

Jisálamu 44:14

Tua fumana mukua ni Sabhu ku akua jixi ja matumbu; athu amukuá kia tu mona a kubuakesa ku mítue.

Izaía 49:7

Jihova, Mubhuludi ua Izalaiele, Dilemba diê Ukôla, uambela muthu uoso a mu buangidika, a mu zemba kuala o mundu, o mubhika ua atumini, uixi: Muenhó a-nda ku mu balumukina bhu iandu kuala o jisobha, kia mu mona, ni ilamba uê, anga a kà diunda bhu pholo iê, mukonda dia henda ia Jihova, mukua kitongola, Dilemba Dikola dia Izalaiele, muthu ua ku tungula (ua ku sola).

Izaía 53:3

Kia kexi, a mu di tunu, muene o muthu a beta o ku mu tènda ni ku mu sebulula mu athu oso; mukua misusu; muthu uejidila o kutala hadi; uedi kala ió athu a mu bhana jinga dikunda ni ku mu suekela o pholo; kia kexile a mu ehelela, ki bhuala dingi muthu ua mu suu.

Izaía 57:4

Mukuahi muene mua mu nangena? Nanhi mua mu mu bhanena mu kanu, ni ku mu tundixila o dimi ku kanga kiokio? manhi kʼenu-enu mu anʼa ituxi, mu mbutu ia mangonha?

Matesu 27:29

Anga enda kitundu kia jithangu ja minha, a mu zuika-kiu ku mútue, hé a mu kuatesa dianga bhu lúkuaku luê lua dilu. Anga a mu fukamena bhu pholo iê, a mu bhanga kasèkelu, exi: Tana-ku, u sobha ia Jijudé.

Matesu 9:24

Ngenzelienu! Mona kilumba ka-fu, uaii ngó ku kilu! Ene a kuata ku muʼ olela uôua.

Marku 15:20

O kia zubha ku mu sebulula, a mu zula o kapote kakusuka, a mu zuika o izuatu iê-muène. Anga a tubhuka mu lumbu, aia-nê ku kanga phala ku mu ta ku dikulusu.

Marku 15:29

Athu oso ala kubhita bhobho anga a mu nanzesa, ni kuteketesa o mítue, exi: Eiʼó, tata! U bula o tembulu he u i tinga mu izuua itatu!

Luka 16:14

Jifalizeu kuma ja zola kiavulu o kitadi, a muivu kuta makʼama, anga a kala ku mu olela.

Luka 23:11

Helode-phe ni masoladi mê, hé a mu tobhesa, a mu bhanga kasèkelu, a mu zuika izuatu ia kukemba, hé a mu vutula dingi kua Pilatu.