Jisálamu 22:6 - O Mikanda Ikola

⁶ Eme-phe ngi kabamba ngó, ki ngi muthu, kana, a ngi tobhesa kuala athu, a ngi tènde kuala o mundu.

Jisálamu 22:6 Iomraidhean Croise

II Malunda 14:11

Aza anga u dikola kua Jihova, Nzambi iê, uixi: Jihova, o kukuatekesa, phala eie, ki kima; kixi o mukua nguzu, kixi ió kala ni nguzu ia kima; tu kuatekese-phe, eie u Jihova, dia Nzambi ietu, mukonda tua dielela kokué, o mu dijina dié muene mu tuejila mu kúlua ni kifuẋi kiki; Jihova, tata! Eiʼeie u Nzambi ietu! Ka ku tolole kuala o muthu.

Jobe 25:6

Kuambe dingi o muthu uedi kala thûthu, ni monʼa muthu uedi kala kakibamba!.

Jisálamu 25:3

Kana bá! oso a ku kinga eie ka tena kukakuka; a kakuka kikale ió a baluka ni kubhuma.

Jisálamu 31:1

Ko kué, u Jihova, ku nga lengela; ku ngʼehele kukakuka! ngi bhulule, Ngana, mu kubatula kué kua kidi.

Jisálamu 31:11

Enhó a ngi zembe, a ngi mono kusekala; akua bhata ala ku ngi ta môndo; katé ni makamba mami a ngi kuata uoma, kia ngi mona mu nzunga, a ngi lenga.

Jisálamu 41:5

Jinguma ja kuata ku ngi longolola, exi: Ka fuila-hi kiá, dijina diê ni di bhué-ku?

Jisálamu 88:8

Jingijiue jami ua a sondolokesa dikanga; ua ngi bhange kukala ngi musúnda, athu a ngi lenga; a ngi jikila-ku, ki ngi tena kutunda.

Izaía 41:14

Ku kale-phe ni uoma, eie u kabamba ka Jakobo, eie u kakifuẋi ka Izalaiele; eme Jihova, ngi ku banda, kuma Mukudi ué, muene Suke-ku, Dilemba dia Izalaiele.

Izaía 49:7

Jihova, Mubhuludi ua Izalaiele, Dilemba diê Ukôla, uambela muthu uoso a mu buangidika, a mu zemba kuala o mundu, o mubhika ua atumini, uixi: Muenhó a-nda ku mu balumukina bhu iandu kuala o jisobha, kia mu mona, ni ilamba uê, anga a kà diunda bhu pholo iê, mukonda dia henda ia Jihova, mukua kitongola, Dilemba Dikola dia Izalaiele, muthu ua ku tungula (ua ku sola).

Izaía 53:3

Kia kexi, a mu di tunu, muene o muthu a beta o ku mu tènda ni ku mu sebulula mu athu oso; mukua misusu; muthu uejidila o kutala hadi; uedi kala ió athu a mu bhana jinga dikunda ni ku mu suekela o pholo; kia kexile a mu ehelela, ki bhuala dingi muthu ua mu suu.

Kuditenda 3:30

A bhane ditama diê kua uoso u mu bha jihuxi; adie muene jindaka, ekute.

Matesu 11:19

Monʼa Muthu-phe ueza ni kúdia ni kúnua anga amba, exi: Talenu kidiakhaji, hôlua, kamba dia akua kutambula lubhaku ni akua ituxi. Maji o Unjimu-phe a u tongolola kuala anʼ a Nzambi.

Matesu 12:24

Jifalizeu-phe kia kʼivu, exi: Ialʼó kukaia o madimonho, mukonda ua tokala ni Belezububu, dikota dia madimonho.

Nzuá 7:15

Jijudé anga ji tukumuka, exi: Iú uejiia kiebhi kiosuʼiki o Madivulu, ua kambe ku di longa na-u?

Nzuá 7:20

Kuala o kifuẋi, exi: Eie uala ni dimonho! Nanhi muène ua-lu sota ku ku jibha?

Nzuá 8:48

Jijudé anga ji mu kumbulula, exi: Manhi ki tu ambe kidi kietu kuma eie u mukua-Samádia, uala ni dimonho?

Jihebeleu 13:12

Kiene ue Jezú, ki ambe kuzelesa o mundu ku ituxi iâ ni manhinga mé muène, ua tundile mu mbanza, o hadi ia kufua kuê ua i talela ku kanga.

Dijingunuinu 15:3

Anga emba o muimbu ua Mozé, ngunza iangene ia Nzambi, ni muimbu ua Kambudi, exi: Eie Ngana Nzambi, Muteni-a-Ioso, o ikalakalu ié kukula kuahi, ikalakalu idiuanesa kinéne! Eie, Ngana, u Sobha ia miji ioso, o ixinganeku ié kuiuka kuahi, ima ioso i u sola kubhanga, ia kidi!