Jisálamu 22:16 - O Mikanda Ikola

¹⁶ Kiene ki ngalʼiki, jímbua ja ngi kondoloka; kibuka kia ingumba kia ngi phopheka, a ngi kubula o maku ni inama,

Jisálamu 22:16 Iomraidhean Croise

Jisálamu 22:1

Nzambi iami, Nzambi iami, ua ngʼehelelela-hi-á? Ua sukila-hi ngó mu kanga, ni kufula ku ngi kudila, ngala kudikola kiki?

Jisálamu 22:20

Ngi kudile ku mukuale ua ngi zuikila; muenhu uami umoxièlele ki uie ni jímbua.

Jisálamu 38:11

O makamba mami ni jinzukame jami, a ngi sondoloka mukonda dia uhaxi u ngala na-u; o jindandu jami jemanena kiá mu kanga.

Jisálamu 59:14

Eze dingi mu ngoloxi, ende ni kubuza kala jímbua, a kuate kunhunga mu nzunga ja sanzala.

Jisálamu 59:6

Mu ngoloxi joso eza, enda ni kubuza kala jímbua, a kuata kunhunga muʼnzunga ja sanzala.

Jisálamu 86:14

U Nzambi-phe, sai athu a di kaka a ngi balumukina, kibuka kia akua kusuína a ngi balukila, kuma a ngʼindi kúfua; athu eie ka ku bhake ngó ku mesu mâ.

Izaía 53:5

Maji muene a mu kuama mukonda dia itondalu ietu, a mu tutujula mukonda dia ikuma ietu; O hadi i tu bhekela o kutululuka ni kubatama ia kexile ku thandu diê, o italakanha iê iene ia tu sake.

Jelemiia 12:6

Kuma-ze katé ni jiphange jê, ni dibhata dia tatʼenu ala ku ku kuata ngó kafua-ku-pholo; ene muène ala ku ku kolela kuema dié ni mázui ma suina: Kana-phe ku a dielela, né-mbe a kuambela muene ima iambote.

Zakadiia 12:10

O ku dibhata dia Davidi, ni ku thandu dia iá a tungu mu Jeluzaleme, nga kà lunduluila-ku Nzumbi ia Kiadi ni ia kudionda anga ene à kenda ni kutala kokuami. O ió uoso a mu kubula, ene a kà mu tela jingololo kala mona umoxiʼèlele, a kà mu dila muene ni kajikijiki kala kia dila mona ua phandekumbi.

Matesu 26:57

Iá a kuata Jezú, anga aia-nê ku inzo ia Kaiafa, nganga ia dikota, kua bhongoloka o jimesene ja kulonga o Kitumu, ni adiakimi a Jijudé.

Matesu 27:35

Kia zubha ku mu phaphela ku dikulusu, a uana izuatu iê ni ku i tela jisorte, phala kubhitisa o maka ma soneka polofeta, uixi: A uana mudiá o izuatu iami, divunga diami a di tela jisorte.

Matesu 7:6

Ima ia Nzambi kana ku i tela jímbua, o jiphelula jenu kana ku ji texila jingulu, kuma jene ji ji diotela bhoxi, anga ji lunguluka ji ku ẋuua.

Marku 15:24

Anga a mu batela ku dikulusu, a uana izuatu ie ni ku i tela jisorte, kala muthu nʼa mone kioso kia tambula-bhu.

Luka 23:23

Ene-phe a jiji ni kukola mu kubhinga ni mázui ma suina, kuma a mu te ku dikulusu. Mázui mâ anga ma lenda.

Luka 23:33

Kia bhixila bhu kididi a kixana Kibholongonho, bhene bhua mu phaphela ku dikulusu ni muène ni imbokoto, kimoxi ku madilu mê, o kiamukuá ku kiasu.

Nzuá 19:23

O masoladi kia zubha kubatela Jezú ku dikulusu, a katula o izuatu iè, anga a i uana mu mbandu ji-uana, mbandu imoxi kala dioladi. Anga a katula ue o mbinza iê iòleka tunde ku thandu katé bhoxi, sé bhuma bhua i tungu ni jidinha.

Nzuá 19:34

Disoladi dimoxi-phe u kuata sosa, u kubula na-iu Jezú mu jimbanji. Kithangana kienhókio anga mu tunda manhinga ni menha.

Nzuá 19:37

O bhua mukuá bhu ambe: A k à mu mona, muenhó uoso a mu kubula ni sosa.

Nzuá 20:25

Jixibulu ni akuá anga a mu tangela, exi: Etu, Ngana tua mu mono! Muène-phe, uixi: Se nga kambe kumona bhu maku-mê o itote ia jipheleku, anga ngi ta mulembu uami mu itote ia jipheleku, anga ngi ta lúkuaku luami bhu mbanji iê, eme ki ngi xikana!

Nzuá 20:27

Anga uambela Tomé, uixi: Tá mulembu ué bhabha, u ngi tale maku. Sunununa ue kunu o lúkuaku lué, u lu te bhu mbanji iami. Ku kale ni jiphata, inda u xikana.

Filipe 3:2

Alukenu akua midimu iaiibha, edi kala jimbua, aku kujijila o ku di ta jiphoko ku mikutu.

Dijingunuinu 22:15

Ku kanga dia mbanza kuene kukala akua midimu ioso iaiibha, ni aloji, ni jindumbu, ni ijibhanganga, ni akua kubheza itèka, ni uoso u uabhela kuzuela ni kubhanga o makutu.