Jisálamu 22:13 - O Mikanda Ikola

¹³ A ngi hamena ni ku ngi bhanena mu kanu, exi ni mazu kenené, mukuâ ni hoje i sana-sana iala mu zuma.

Jisálamu 22:13 Iomraidhean Croise

Jobe 16:10

Athu a ngi bhanena muene mu kanu, a ngi sebulula ni ku ngi bhana jihuxi ku matama; eneʼoso a di bhongolola mu kuzoka nʼeme.

Jisálamu 17:12

A di fangana kala hoji i hamena kúdia mbole; a soko ni munzangala ua hoje ua batamena mu kisasa.

Jisálamu 22:21

Bhu ngalʼabha, ngi tambule mu kanu dia hoje; xi, ngʼivile muene ku jimbinga ja jiphakasa ku ngala.

Jisálamu 22:7

Oso a ngi mona a ngi bhanga kasekelelu; a buetula mizumbu, a bhuka ku mútue, exi:

Jisálamu 35:17

Eie-phe, Ngana, u tala ngó kienhiki katé bhebhi? Kudila o muenhu uami ku iama iii, muenhu uami umoxi-èlele kudila-u muʼaxaxi ka jihoje.

Jisálamu 35:21

A bhana muene mu kanu ni ku ngonesa, exi: Euá! euá! Etu tua ki mono muene ni mesuʼetu. U diuana!

Jisálamu 7:2

Kuma a hamena o muenhu uami kala hoje ia bhindamena ku ngi dia; a mesena a ngi sanujuna ku idiandu, sé muthu ku ngi bhângela.

Kuditenda 2:16

Nguma jê joso-lolo muene, a bhane mu kanu mu ku ku tembula eie; a xika mixi, a di keketa ku mazu, exi: Né! tua mu minha muene! Ni kidi kiene muene, kiki kiene o kizuua, ki tua kinga jinga ukulu; lelu tua ki sange, tua ki mono.

Kuditenda 3:46

Nguma jetu joso ja bhâne makanu ni ku tu lebhula.

I Phetele 5:8

Kalenu ku mesu azele, mu di lange! Kuma o nguma, Diabhu, ua di bhange, mukuâ ni hoji iala mu zuma, u nhunga jinga mu jimbamndu jenu mu kusota uoso a mu dia.