Jisálamu 21:9 - O Mikanda Ikola

⁹ U a oha kala mu forno iakusuka ni túbhia, kizuua ki u a tukulukila; Jihova hinu u a minha ni kutema kuê, a kà jikinina mu túbhia.

Jisálamu 21:9 Iomraidhean Croise

Dimatekenu 19:28

o kia talela ku Sodoma ni ku Ngomola, ni ixi ioso ia ngânga, u mona ixi ioso iala mu tuka dixi, kala kitumba kia uama.

Ejidala 6:12

O Nzambi-phe, ió ua bhangesa dijina diê di tunge bhenhobho, a buikise jisobha joso ni ifuẋi ioso i zenga lukuaku luâ phala kulungulula o ngonge iii ni kusengulula o inzu iii ia Nzambi, iala mu Jeluzaleme. Eme, Ndala, nga bhana ngonge iii; kioso ki iambe, a ki bhange lusolo. Mahezu.

Jobe 6:3

Diene-ku, mu kutanga o kidi, dieju beta kunema museke ua ndundu ia kalunga, ndenge; kiene ki nga zuelela lusolo sè ku xinganeka dingi.

Jisálamu 106:17

Mavu anga a jikuka, hé a minha Datana, o dianda dia Abilamo a a lambela mu dikungu.

Jisálamu 18:38

Nga a beta-beta, ka tena dingi kubalumuka; a di bhalela bhoxi dia inama iami.

Jisálamu 18:8

Mu mazulu mê mu fuafua dixi, o mu kanu diê mu tuka túbhia tuia ni kuaúla; tu uika muene makala.

Jisálamu 2:12

Bhombenu mona, ki mu kinge kia thathamana; kuma hinu mu diuana ku muia, njinda iê ki i uama kala túbhia. Enhó-phe a zediua oso a dielela kua Muene.

Jisálamu 2:5

Kindala u a temena ni njinda, hé u a bhuuika mu kuluuala kuê.

Jisálamu 50:3

Nzambi ietu iú uiza, ka xikina kudixibha; ku pholo iê túbhia tuia ni kuaúla, mu jimbandu jê uenda ni kibhûngu kiavulu.

Izaía 26:11

Jihova, tata! Sumbala lukuaku lué lua zangalala muene, maji ene hanji a tokoka ku lu mona! Maji-phe, a kà lu mona anga adiuana, mukonda dia muanu u ua kuatela o mundu ué; o túbhia-phe hádia tua kà buikisa o jinguma jé.

Kuditenda 2:2

Mabhata moso-lolo ma Jakobo, Jihova ua ma jikinisa, sé ngó ku a lendukila; jimbonge ja kolo, ja monʼa kilumba kia Juda, kia vulumuka o njinda iê, joso ua ji lundumuina bhoxi; utuminu uoso ua u kasanesa, o ilamba iê ia sebuluka.

Nahumu 1:6

Nanhi ua kèmana bhu pholo ia njinda iê? Nanhi ua kà kolokota mu kutema kua njinda iê? Kutema kuê kala túbhia tua muzukuta, o matadi moso muene u a lundumuna.

Malakiia 4:1

Talesenu mukonda, kizuua kiókio kia-nda kua kèza, kiza ni kuuama kala kidijiku kia túbhia tua muzukuta, ene oso a di zangeleka, akua izala, ni iá oso a bhanga ima ia ufusa, a kèla kala iangu ia mbúdila; mu kizuua kiókio kiala kuiza-ku, a kà uama muene katé abhu-bhu, kiene kia tanga Jihova dia Ifuẋi; ki bhua kà a xala lundanji né luthangu.

Matesu 13:42

hé a kà a texi mu kitúbhia kia dikota. Muenhomo muene muà kala o kudila ni ku di kokota ku mazu!

Matesu 13:50

O aiibha há a kà a texi mu kítubhia kia dikota. Kuene kuà kala o kudila ni ku di kokota ku mazu.

Matesu 22:7

Sobha anga njinda i mu kuata; u katula ita iê, ijibhangangʼoio anga u i buikisa, mabhata mâ u ma ta mu túbhia.

Matesu 25:41

Muène anga ua kʼàmbela iá ala ku kiasu: Tundenu bhu mbandu iami, enu a mi bhubhidila kuala Nzambi! Ndenu mu túbhia ki tuà jima, a tu iudikila Diabhu ni ji-anju jê!

Matesu 25:46

Iá-phe a kàia ku phaxi ki iabhua, o iá aiuka, ku kuenhu ki uàbhua.

Matesu 3:10

Kumbʼ idi dikuua a di tula kiá bhu kixina kia miẋi. Muẋi uoso u kamba kuima ibundu iambote, a u koka, hé a u ta mu túbhia.

Matesu 3:12

O mbangu iê ia kubhiatela uiza na-iu bhu maku, o kididi kiê kia kuvundila ua-nda ku ki zelesa katé kia zubha. O jimbutu jê u ji bhongolola hé u ji bheka mu kitula; o ibhiate-phe u ioha mu túbhia ki tuene dingi kujima.

Matendelelu 32:22

Kuma kiene ki ngalʼiki njinda iami iauama túbhia, tua kà uama muene, katé tua bhiẋila mu jihota joso ja mukiukuluku; phala kubuikisa oxi ni funza iê ioso; ni ku jikatesa o madisesa ma milundu.

I Tesalonika 2:16

Etu tuandala tu zuela ni akua jixi jengi, phala a bhuluke, maji ene a tu kidika. Mu kubhanga kiki-phe, hanji a kuata kutenesa o konda ia ituxi iâ iene mù ta. Maji-phe kindala kua a tulukila o njinda ia Nzambi, katé bhu mbambe ku thandu diâ!

II Tesalonika 1:8

Muène uà kèjiia mu tubhia tu bhana milengu, mu ku a bhesa kaxtiku, oso kejiia Nzambi, ni ió nguauâ kutumaka o Njimbu Iambote ia Ngana ietu Jezú Kristu.

Dijingunuinu 19:15

Mu kanu diê anga mu fuomoka xibhata iatu, iene ia tolola na-iu akua jixi. Muène u a tumina ni mbasá ia felu. Muène u titidila mu ditangi dia kukamena o vinhu ia njinda iatemanana ia Nzambi, Kutènde.

Dijingunuinu 20:14

O kùfua, ni kalungʼa-ngombe, anga a a takula mu kizanga kia túbhia. (O kizanga kia tubhʼiki, kuene o kùfua kua kaiadi).