Jisálamu 21:7 - O Mikanda Ikola

⁷ Kuma muenexi ua dielela kua Jihova; o jihenda ja Suke-ku ja mu bhake kididi, ka tena ku mu lundumuna.

Jisálamu 21:7 Iomraidhean Croise

Jisálamu 13:5

Eme-phe nga dielela mu kulenduka kué; muẋima uami u sanguluka mu kuila eie ua ngi bhulula!

Jisálamu 16:8

Jihova izuua ioso nga mu bhaka bhu pholo iami; o mukonda dia muene ku ngʼimanena bhua zukama, ki bhuala u tena ku ngi lundumuna.

Jisálamu 18:2

Jihova muene ditadi diami dia kipena, muene mbonge iami ia ku di kondela, kilolo kia ku ngi kudila; muene Nzambi iami, mbonge iami, nga dielela kua muene; muene ngubu iami, lumbinga lu ngi bhângela, ditala diami dia di leka.

Jisálamu 26:1

Ngi lúngise, Ngana, ua ngi mono o kuenda kuami, ki nga bhalumuna mulonga; nga dielela muene kua Jihova, sé kuvula ilunji.

Jisálamu 45:3

Dizonda dia kimi! maneka o xibhata ié bhu ditabela, u zuate o fuma ié ni unénene ua ungana ué.

Jisálamu 61:4

Ngi kala jinga izuua ioso mu balaka ié, Ngana Nzambi; ngi koloka muene mu suamena moxi a mabhabha mé. (Selah.)

Jisálamu 72:17

Dijina diê di nangenena katé ku hádia ni hádia; diia ni kusambuka muene ni ku mululu ni ku mulaula, kioso hanji ki kala mu nangenena o dikumbi; athu a kala mu ku a bhana dibesá mu dijina dia muene; o ifuẋi ioso mu ngongo a mu ixana kuma Mukua jimbote.

Jisálamu 9:2

Ngi sangulukila mo mué, ngi tana ni ngalasa; ngimba mu kuximana dijina dié, eie u Suke-ku!

Jisálamu 91:2

ua kéla kuma: Jihova dilengelu, kimbaka; Nzambi iami, nga dielela kua muene.

Daniiele 7:14

Anga a mu bhana o kutumina, ni kijingo, ni ungana, phala miji ioso, ni ifuẋi, ni madimi moso ende ni ku mu bhikila muene. O kutumina kuê kua miaka, ku kuene dizubhilu, o ungana uê uene ngó, ka tena ku u bhuisa-ku.

Matesu 27:43

Ua kexi mu kudielela Nzambi, kiki a mu kudile, se ua mu mesena; kuma uambe uixi: Ngi Monʼa Nzambi!

Jihebeleu 2:13

O bhua mukuá, uixi: Muène eme nga kà mu dielela. O bhua mukuá dingi, uixi: Talesa, eme-amʼiú ni ana a ngi bhana Nzambi.

I Samuuele 30:6

Davidi anga u tata kiavulu, kuma mundu a tele maka a ku mu bûba ni matadi, mukonda muẋima ua mundu uoso uala ni malamba, kala muthu uala mu kuxinganeka anʼê a mala ni a ahatu. Maji Davidi-phe u di kolesa muẋima mua Jihova Nzambi iê.