Jisálamu 20:8 - O Mikanda Ikola

⁸ Ene a bulukuta, a dibhale; etu-phe tua bhetuka, tuemana nzanza.

Jisálamu 20:8 Iomraidhean Croise

II Jisobha 19:23

Mu kanu dia jiphunga jé muene mu ua lokalela Jihova, uixi: Ngi banda ku thandu dia milundu ni nzungule iami ia makalu, ngiia muene mu kaẋi ka muxitu ua Libanu, o miẋi iê ia misédulu ia lebha kinéne ni ia jifaia ja iuka kiambote nga kà i kokela muene bhoxi, nga kà bhixila mu manhohenu mê ma suku-ku katé mu muxitu ua mukáu uê uima kinéne.

II Malunda 14:10

Bheneʼobho Aza ue anga u tunda mu kutakana-nê; anga ita a i kuatela mu dikôlo dia Zefata, bhua zukama ni Malesa.

II Malunda 14:11

Aza anga u dikola kua Jihova, Nzambi iê, uixi: Jihova, o kukuatekesa, phala eie, ki kima; kixi o mukua nguzu, kixi ió kala ni nguzu ia kima; tu kuatekese-phe, eie u Jihova, dia Nzambi ietu, mukonda tua dielela kokué, o mu dijina dié muene mu tuejila mu kúlua ni kifuẋi kiki; Jihova, tata! Eiʼeie u Nzambi ietu! Ka ku tolole kuala o muthu.

Ejidala 8:22

Mukonda sonhi ja ngi kuatele, ja ku bhinga kua sobha, kifuxi kia masoladi ni ilolo i tu bhângela ku jinguma mu njila, mbata sobha tua muambelele, tuexi: Lukuaku lua Nzambi ietu luala ku thandu dia ió oso a mu sota muene, phala ku a bhanga mbote; maji o nguzu iê ni njinda iê, i lungulukila ku thandu dia ió oso a mu xia.

Jisálamu 124:8

Kubhanduluka kuetu kuala mu dijina dia Jihova, muene ua tena kubhanga o diulu ni ixi.

Jisálamu 125:1

Oso a dielela kua Jihova, a kala mukuâ ni mulundu ua Ziione, ka tena ku u zambesa, maji ua xikama kididi katé ku hádia ni hádia.

Jisálamu 33:16

Sobha ka fike kuila kilômbo kia dikota ki mu bhana kulenda; dizonda ue ka di fiiale o nguzu iê iavulu.

Jisálamu 33:17

Kabalu makutu, ku mu dielela ku ita; o nguzu iê ni kulenga kuê, ki ku bhana muthu muenhu.

Jisabhu 21:31

O kabalu a ka polondala muene, mbé o kizuua kia kʼèza o ita; maji o ki dʼiza-bhu, o kutolola kikale ku tunda kua Jihova.

Hozeia 14:4

Eme nga-nda kuilula o kuxibhaka kuâ ni kudianguka kuâ, anga ngʼa zola muene ni muẋima uoso, mukonda njinda iami ku thandu diâ ki iala-ku dingi.

Mikeia 7:8

Eie kana kusanguluka, nguma iami, ki u mona nga di-bhale, kuma né nga di bhale, hádia ngi balumuka dingi. O kioso ki ngiza kitombe, Ngana ua kà kala mukengeji uami.

Josuué 11:4

Ene osoʼá anga a tunda ni ilombo iâ ia ita, mundu uvula, o nzungule iâ mukua ni kisekele ku kibumu kia kalunga; jikabalu jivula, o makalu ue nzungule.

Afundixi 5:31

Nguma jé, u Jihova, ji buike kienhiki, oso-phe a ku zola, a benhe kala dikumbi, kioso ki di tunda ni nguzu iê ia kumuika.

I Samuuele 17:45

Davidi bhenhobho u ambela mukua Fidíxia, uixi: Eie ua-lu ngi bhixila ni mukuale ué, ni sosa, ni ngubu; eme-phe ngi ku bhixila mu dijina dia Jihova dia ifuẋi, Nzambi ia kilômbo kia Izalaiele, ió ua mu lokalala eie ni ku mu lebhula.