Jisálamu 20:4 - O Mikanda Ikola

⁴ Muene a ku bhese kia ku kala ku muẋima; kima ki ua kane kubhanga, muene a ki kumbidile.

Jisálamu 20:4 Iomraidhean Croise

II Samuuele 24:23

Kùku, iene ioso iii nga ku bhana-iu, ngana iami. Alauna anga u ambela dingi muenexi, uixi: Jihova Nzambi ié a ku tambulule, kùku!

II Malunda 9:12

O sobha Solomá ue anga u bhana kua sobha ia Saba, ia muhatu, ima ia soko ni iii ieza na-iu muene, hé u mu tela-ku dingi iandalele o muẋima uê ni iii ia bhingile; kienʼiki muene anga u vutuka, uia kʼoxi iê ni muene ni abhikʼê.

Jisálamu 145:19

Muene u bhanga o vondadi ia ió oso a mu kala ni uoma; uívua nzongo iâ, ia kudikola, hé u a bhulula.

Jisálamu 21:2

Eie ua mu bhana kia solo o muẋima uê; kua mu imina kia bhingi ni mizumbu iê. (Selah.)

Jisálamu 37:4

Ngalasa ié i tunde mu ku di tuma ni Jihova; muene u ku bhana ki ua solo mu muẋima.

Jisabhu 11:23

Athu ambote vondadi iâ o kubhanga mbote iene, akua phulu-phe axikamena ngoho njinda ia Nzambi.

Matesu 21:22

Ni ima ioso kiá i mu bhinga mu kusamba, ni kuxikana, mu i tambula.

Nzuá 11:42

Eme nga kʼijiia kuma eie uene mù ngʼivua jinga. Maji Eme nga ki zuelela-phe mukonda dia kifuẋi kia ngʼ imanena bhabha, mbé ene ni a xikane kuma eie ua ngi tumu.

Nzuá 16:23

Kizuua kiôkio enu ki mua-ndu ngʼ ibhudisa dingi kima. Kidi kiene, ngi mi ambela: Kioso ki mu bhinga Tata mu dijina diami, muène u mi bhana-kiu.

Afundixi 13:23

Mukajiʼê-phe u mu ambela, uixi: Se Jihova uandalele ku tu jibha, keji kuxikana sata i tua mu satela ia kibhaku ni fuba, keji ku tu idikiza ima ioso iii, keji ku tu ambela maka kala iá.

I Samuuele 26:19

Bhenhabha-phe, kùku, nga ku diondo, ngʼívue hanji o kuzuela, ngi mubhikʼé: O ki kala Jihova muene ua ku vunza ku ngi zukutisa, ngi mu satele, a ngi tambulule; o ki kala-phe anʼ athu ngó a ka vunza, Jihova a a bhubhidile bhu pholo iê, kuma a ngi kaie, kizuua kia lelu, phala ngi kambe kididi mu undundu ua Jihova, mukua ni kuila, exi: Ndeie, ka bhikile nzambi jengi.