Jisálamu 20:3 - O Mikanda Ikola

³ A lembalale o maujitu u ua mu bhakuila jinga, a ẋikine o sata ié ia kuoha. (Selah.)

Jisálamu 20:3 Iomraidhean Croise

Dimatekenu 4:4

Abele ue u bheka ku anʼa jimbudi mu kilunga kiê oso a dianga ku a vuala, ni ku misuinhi ianete. Ngana anga u suua Abele ni ujitu uê,

I Malunda 21:26

Kienhiki Davidi anga utunga bhenhobho o kalatódio ka Jihova, hé ubhana o jisata ja kuoha ni jisata ja mutululuku; anga uhingila Nzambi; Ngana hé u mu vutuila ni túbhia tua tundu ku diulu, hé tu tula ku thandu dia kalatódio ka sata ia kuoha.

II Malunda 7:1

Kioso Solomá kia zubha o kusamba, kua tuluka túbhia tua diulu, anga tuʼoha jisata joso ni mibhaku; o unéne ua Jihova anga uizalesa o inzu ioso.

Jisálamu 128:5

Jihova ku mbanza iê ia Ziione, a tume ku ku zediuisa; eie u mone o kubhanduluka kua Jeluzaleme, izuua ioso ia muenhu ué.

Jisálamu 134:3

A mi bhane dibesá di tunda mu Ziione, o dibesá dia Jihova ua bhanga o diulu ni ixi.

Jisálamu 51:19

Se kiene ki u bhanga, u kala ni jisata ji ku uabhela kiambote, jisata ja kuoha, jisata ja muvimba; kienhókio, a ku satela jingombe bhu kalatódio ké.

Izaía 60:7

Ilunga ioso ia jimbudi ja Kedale ia kéza kokué, ilumbe ia Nebaiote ia kà ku tokala eie, i ku bhikila; a kà i xikina ni vondadi kuma sata ku kalatódio kami; eme hé nga kà fumanesa inzo ia kizunda kiami.

Ijila 9:24

Kuma bhu pholo ia Jihova bhua tundu túbhia tu tua jidisa o sata ioso ia kuoha ni banha iala ku kalatódio; o kifuẋi kioso kia ki mono, a dikola ni ngalasa, hé a di bhala jipholo bhoxi, mu kudiunda.

Jipoxolo 10:4

O muène kia mu edi sûi, ni uôma ua mu kuata, uixi: Kiebhi, Ngana! Uixi, Nzambi uevu o misambu ié, ni jimola jé ji uene mu bhana o jingadiama, ja bande kuma dilembalelu bhu pholo ia Nzambi.

Efezo 5:2

Mienhu ienu i kale jinge mu henda kala henda ia Kristu ia tu kuatela, iu ua tenéne ku di bhakula bhu kididi kietu kuma kilumbu, sata ia uabhela Nzambi iala ni dizumba di nuha kiambote.

I Phetele 2:5

Enu uenu kala mu matadi ma muenhu, ehelenu-phe Nzambi phala a mi Uzale mu kutunga o Tembulu ia nzumbi, ni ku mi bhanga kibuka kia jinganga jolumbile Nzambi, ji bhana o jisata ja nzumbi, ji uabhela Nzambi, mukonda dia Jezú Kristu.