Jisálamu 2:9 - O Mikanda Ikola

⁹ U a tolola ni mbangala ia felu; u a bhanga imenga-imenga kala ímbia ia mavu.

Jisálamu 2:9 Iomraidhean Croise

Jisálamu 89:23

Jinguma jê ngʼa beta muene bhu pholo iê, ngʼa muanga-muanga oso a mu zembe.

Izaía 30:14

Jihova ua kà a sasula kala ombia ia mavu, kioso kia a bula a sasaka muene; ki bhuà kala dingi kavumbi; o mu ienga iê ki mua kà kala ngó kimoxi ki uabha kunomuena túbhia bhu jiku mba kuvuotela menha bhu fiẋi.

Izaía 60:12

Mbata kifuxi mba utuminu, ukamba ku ku sedivila eie, uà kà jima o mbutu; xi, ifuẋi ienhoio a kà i buikisa muene, taka-taka.

Jelemiia 13:14

Hé nga a sasujula ni ku a bekujula ku akuâ, jitata bhuamoxi ni anʼâ, Jihova ua ki tange, uixi: Ki nga-nda ku loloka, ki nga-nda ku kondejeka, mba ku a kuatela henda, kuila ngi kamba kua buikisa.

Jelemiia 19:11

Anga u ambela: Uixi Jihova dia Ilombo Ieta uambe kiki: mundu iú nga-nda ku u bula kienhiki, ni mbonge ienhiʼii, kala kia bula o kitutu kia utuma, o ku ki banda ki ki xikina dingi, anga a kà a funda mu Tofete, mbata o kididi kiengi ki kia kà moneka phala ku a funda.

Daniiele 2:44

Maji, mu izuua ia jisobha jenhiji, o Nzambi ia diulu ua kà bhekaku o utuminu ki u xikina dingi ku u jikinisa; o utuminu iú kà u ehela ku bhita dingi bhu maku ma miji iengi; uene kiá ua kà sasujula o mautuminu mosoʼama anga a-bhua-ku, maji o uene ua kà xalela ni kutumina mu thembu joso katé ku hádia ni hádia.

Daniiele 2:45

Kiene ki ua muena kuila ku mulundu kua bamuka ditadi, maji ki maku ma di bamuna, dieneʼdi dia sasujula o felu, ni ngôndo, ni utuma, ni phalata, ni ulu, Nzambi, Kutende uadimuna sobha, phala ku kuijidisa ima ioso hádia ia-nda kuiza ku pholo ki zubha kubhita iosuʼiii; o nzoji ia kidi, o dijimbuluilu diê dia kidi.

Mikeia 5:8

O mbandu-phe ia subhuka-bhu, ia Jakobo, anga ia kà kala mu kaxi ka miji ioso, muʼaxaxe ka ifuẋi ia ndumba, mukuâ ni hoji muʼaxaxi ka iama ia mukáu mu muxitu, kala kamunzangala ka hoji muʼaxaxi ka ilunga ia jimbudi; kuma iene ki i bhita, ua kàia ni kujikuata ni ku ji jibha, anga ji di bhanga mbole iê, o u ji kudila ka moneka.

Matesu 21:44

Ku ditadi didi, uoso u dibhala-ku u bukujuka; uoso-phe di mu lundumukina muène, u kituka fufuta.]

Dijingunuinu 12:5

Muhatu anga u vuala monʼa diiala, ió ua-nda kutumina akua jixi ni mbasá ia felu. Maji-phe o mona anga a mu zangumuna, hé a mu bheka ku diulu kua Nzambi, bhu kiandu kiê.

Dijingunuinu 19:15

Mu kanu diê anga mu fuomoka xibhata iatu, iene ia tolola na-iu akua jixi. Muène u a tumina ni mbasá ia felu. Muène u titidila mu ditangi dia kukamena o vinhu ia njinda iatemanana ia Nzambi, Kutènde.