Jisálamu 2:4 - O Mikanda Ikola

⁴ Ió ua xikama ku maúlu ua olela; Ngana anga u a bhanga kasekelu.

Jisálamu 2:4 Iomraidhean Croise

II Jisobha 19:21

O kizuelu-phe kia tange Jihova kua muene kienhiki: Uedi, o muzeletete, monʼa kilumba ua Ziione, ua kuehelela, ua ku te kabaxa; o monʼa kilumba ua Jeluzaleme ua mu ku buetuila mizumbu kuema dié ni ku kubhukajela o mutue.

Jisálamu 11:4

Jihova-phe uala hanji mu Tembulu ie ikôla; Jihova kiandu kiê kia xikama ku diulu; mesuʼê a tono muene ni kengelela, o ibhebhetela iê iala mù tonginina kiambote anʼatu mu ngongo.

Jisálamu 115:3

Etu Nzambi ietu-phe uene mu diulu; mukua kubhanga ioso iandala.

Jisálamu 123:1

Ko kué ku nga zambula mesu, eie ua tunga ku maúlu!

Jisálamu 37:13

Maji Jihova-phe u mu olela, kuma ua mono o kizuua kiê ki kiza.

Jisálamu 53:5

A tukumuka-phe uoma ua a kuata, sumbala kingumba ki ki moneka; kuma Nzambi ua muange ifuba ia ió oso ejiie ku ku lokalala; jisonhi ja a kuata, mukonda Nzambi ua a tobhesa.

Jisálamu 59:8

Maji eie-phe, u Jihova, ua-nda ku a olela; akua mahanha ió, eie u a tobhesa.

Jisálamu 59:9

Mukonda eie u nguzu iami, eme ngi ku suua eie; kuma eie u Nzambi, eie u ditala diami dia kulengela.

Jisálamu 68:33

Mukua kuendela ku matuta ma diulu, o diulu diê-muène tunde mʼukulu-kulu; ivenu-ze o dízui diê, dízui diê di bhana mutendu ua suína.

Jisabhu 1:26

eme ue nganda ku mi olela ki mi tula o divuua, kioso ki mʼiza o kimbuua, eme nga-nda ku mi bhanga kasekelelu.

Izaía 40:22

Muene muène ua xikama kulu dia dikende dioso diaʼxi, o athu a tunga-mu ia edi kala mahoho ku mesu mê; muene muène uoleka maúlu kala thanga ia lona, iu ua ma futununa kala balaka, phala kutunga-mu.

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Izaía 66:1

Jihova uambe kiki: O diulu kiandu kiami, oxi kibhuna kia inama iami; enu mu ngi tungila onzo ia kidifua kiahi? Kididi ki kuebhi ki ngi nhohena?