Jisálamu 19:9 - O Mikanda Ikola

⁹ Uoma ua Nzambi ua ujitu, ua kenzuluka, ki u tena dingi kubhua-ku; o mabatuilu ma Jihova ma kidi, ma sokela, o mene moso ma iukila kumoxi.

Jisálamu 19:9 Iomraidhean Croise

Dimatekenu 22:12

Uixi: Mona kana ku mu tula lukuaku, kana ku mu bhanga kima kiaiibha; kuma kiki ngʼejiia kuila u mukua uoma ua Nzambi, katé ni monʼé umoxiʼèlele, kua ngʼimina-nê.

Dimatekenu 42:18

Zuze anga u a tangela, kizuua kia katatu, uixi: Bhangenu kienhiki, phala mu laie; kuma ngi mukua uoma ua Nzambi.

I Jisobha 18:12

Hé ngiia ngi ta-ku dikunda, eie kunu Nzumbi ia Ngana ia kuambata anga i ku bheka kuma ki ngʼejiia-ku, o kioso ki ngi tudila Akabe njimbu, muene anga u kamba ku ku sanga, u ngi jibha. Nguami, kuma eme ngi mubhikʼé-phe, ngi mukua uoma ua Jihova tunde mu undenge uami.

Nehemiia 5:15

Nguvulu ja dianga-phe, ja ngi diangelele eme, a kexi mu tatesa kifuxi, ni ku a tambula kúdia ni vinhu, anga ku thandu diê, a ta-ku ku futa makuinhiʼauana a xikulu ia itadi ia phalata; o minzangala iâ hanji ue a kuata kubhikisa o kifuxi; maji eme-phe ki kiene ki nga bhange, mukonda dia kuxila Nzambi.

Jisálamu 10:5

Mu jinjila jê joso uenda ni kuzediua izuua ioso; o kubatula kua eie, u Nzambi, kua mu kala dikanga bhulu, ki kua mu bhiti ngó ku mesuʼê; oso a sota ku mu fudisa, muene u njona, u xikulula.

Jisálamu 111:10

O kukala ni uoma ua Nzambi, muene muijiia unjimu; ene oso a mu tumaka, a kala muene ni kilunji kiambote, o diximanu diê dia kalʼê, katé ku hádia ni hádia.

Jisálamu 115:13

U benzela oso akua uôma ua Jihova, ni jindenge ni makota.

Jisálamu 119:1

Azediua ió oso a iukila kiambote mu njila, mu kuenda a kaiela o ngonge ia Jihova.

Jisálamu 119:106

Nga loka muene, nga-nda ku ki jijila, kuila o ijila ié ia kidi nga-nda ku i aiuka jinga muene.

Jisálamu 119:111

Umbangi ué uene u nga tambula kuma undundu uami sé thembu, mukonda uene ua ngi bhana o kusanguluka mu muẋima.

Jisálamu 119:142

O kuiuka kué kuiuka ku nangenena; o ngonge ié kiene o kidi.

Jisálamu 119:39

Ngi katule o kusebha kuala ku ngi kuata uoma, kuma o kutetuluka kué-eie kua uabha.

Jisálamu 119:62

Ni mu kaẋi ka usuku, ngi balumuka mu ku ku ximana, mukonda o kufundisa kué kuoso kua tetuluka.

Jisálamu 119:7

Ngi ku sakidila, Ngana, ni muẋima uemana nzanza, se nga zubha ku di longa o ifundisu ié iatetuluka.

Jisálamu 119:75

Nga kʼijiia muene, u Jihova, kuma o mabatuilu mé ma kidi kioso; o ki ua ngi talesa hadi, ua ki bhange muene ni ufiiele.

Jisálamu 12:7

Eie-muène-phe, Jihova u kondeka athu é, eie-muène u a kudila ku muiji u kala kiki!

Jisálamu 147:19

Uidikiza o maka mê kua Jakobo, ni ijila ni jiphangu jê kua Izalaiele.

Jisálamu 36:1

O ku di nganala kua muthu ku tunda ku muẋima mu kubhuma kuê; o ku mesu mê ki kua mu kala uoma ua Nzambi.

Jisálamu 36:6

o Kuiuka kué kua soko ni milundu ia makota; o kufundisa kué mukua ni musanza uazongo ua kalunga. Jihova, eie-muène u mukua kuinga o muthu ni kiama!

Makatukilu 21:1

O jiji jene o jingonge ji ua kà a tudila.

Jisabhu 8:13

Uoma ua Jihova, o kueha kia ibha; nga di zemba ni ukumbu, ni izala, ni uendelu uaiibha, ni dikanu dizuela isunji.

Izaía 26:8

Eie Jihova, tuala ku ku kingila katé ni mu jinjila ja matetuluilu mê; o ku ku tumbula dijina ni ku ku-inda, iene o vondadi ia miẋima ietu.

Izaía 45:19

Eme ki nga tela maka mu kasuekele, ki nga zuelela koxi a mavu kua vundu, kana; ki nga tangela mbutu ia Jakobo, ngixi: Ngi sotienunu mu kingoho; eme ngi Jihova ngi tanga o kidi, ngi boka ima iaiuka.

Jipoxolo 10:22

Ene a vutula, exi: Kabhitangu Koloneliu muene ua tu tumu. Muène mubhezi a Nzambi, muthu uaiuka, u xila Nzambi, a mu tumbula ue kiambote kuala akua ʼxi ioso ia Jijudé. A mu longesa kuala anju ia Ngana, o ku ku tuma eie kuiza ku onzo iê, eie u mu tangele maka.

Loma 11:22

Talesenu o kulenduka ni kutema kua Nzambi: Kua ene a di bhale, muène ua tema; ko kuenu-phe, ua lenduka, enu ki mu jiza mu kulenduka kuê. O ki mu kamba kujiza, enu ue hadia a mi batula-ku.

Loma 2:2

Etu-phe tuejiia kuma Nzambi kia fundisa o athu a bhanga ima kala íii, o kufundisa kuê kua kidi.

Matendelelu 4:8

Muiji uadikota uala-ku uebhi, uala ni jingonge ni mabatuilu ma iuka kiki, kala o kitumu ki ngala ku mi bhana leluʼiki?

Dijingunuinu 15:3

Anga emba o muimbu ua Mozé, ngunza iangene ia Nzambi, ni muimbu ua Kambudi, exi: Eie Ngana Nzambi, Muteni-a-Ioso, o ikalakalu ié kukula kuahi, ikalakalu idiuanesa kinéne! Eie, Ngana, u Sobha ia miji ioso, o ixinganeku ié kuiuka kuahi, ima ioso i u sola kubhanga, ia kidi!

Dijingunuinu 16:7

Anga kienhókio ngʼivua dízui dia tundu bhu kalatódio, dixi: Kiene muene! Eie Ngana Nzambi, Muteni-a-Ioso, o kubatula kué kua kidi, kuaiuka!

Dijingunuinu 19:2

O kufundisa kuê kua kidi, kuaiuka! Mukonda o muène, kidia-nzunga kia dikota ua mu êlesa, ió ua bolesele oxi ioso ni undumbu uê. Nzambi ua mu futu o phonzo, mukonda muène ua jibha jinga o jiselevende jê.

I Samuuele 12:24

Kima kimoxi ngó: kolokotenu kukala ni uoma ua Jihova, mu mu bhikile mu kidi ni muẋima uenu uoso; endenu ni kuxinganeka jinga o ima ia makota ia mi bhange muene.