Jisálamu 18:9 - O Mikanda Ikola

⁹ Diulu ua di bheteka iu ua tuluka; o bhoxi dia inama iê kitombe kʼila muene bui.

Jisálamu 18:9 Iomraidhean Croise

II Samuuele 22:10

Anga diulu u di bheteka, u tuluka; bhoxi dia inama iê hé bhu bhita kitombe kiedi buí!

Jisálamu 50:3

Nzambi ietu iú uiza, ka xikina kudixibha; ku pholo iê túbhia tuia ni kuaúla, mu jimbandu jê uenda ni kibhûngu kiavulu.

Jisálamu 68:4

Imbilenu Nzambi, xikenu mu kuximana o dijina diê; tumbilenu o ikoka iê, mu mikáu ia hatu mu bhitila o dikalu diê; muene dijina diê Jihova; tanenu buoso bhua mi tukulukila.

Jisálamu 97:3

Ku pholo Iê ku tuamena túbhia, o jinguma jê ji jokotela mu jimbandu.

Makatukilu 19:18

Mulundu uoso ua Sinai anga u kala mu tuka dixi, mukonda Jihova ua tulukila ku thandu diê muʼaxaxe ka túbhia, dixi diê anga di banda kala dixi dia kidijiku kionéne mulundu uoso anga u teketa, uia ni kutunguta kiavulu.

Izaía 51:6

Bhetulenu mesu menu ku maúlu, zongolenu mu ngongo bhoxi: kuma maúlu ma-nda kujimuka-ku kala dixi, oxi ue ia-nda kukuka mukuâ ni kizuatu; oso a tunga-mu a-nda ku di-fuila kiòmuene kala ki fua o jihamue; maji o ubhulukilu uami ua kà xalèla-ku, o uiukilu uami ki u xikina ku u buisa-ku.

Izaía 66:15

Mbata, talesa-ze, Jihova ua-nda kuijiia mu túbhia; o makalu mê mu kuenda mukuâ ni kitembu kia kita-phe-phe nʼa kà bilula njinda iê anga i uama, o kibazu kiê milengo ia túbhia.

Jouele 3:16

Bheneʼobho Jihova ua kà hunza mu Ziione, ua kà bhana mbimbi iê mu Jeluzaleme, ni diulu, ni ixi ia kà teketa. Kieneʼokio Jihova phe ua kà kala lengelu dia mundu uê, muene kimbaka kia anʼa Izalaiele.

Matesu 24:29

Jezú uixi dingi: Kutunda ku phaxi ia izuuʼ oio, dikumbi di vunda, o mbeji i kamba kumuika, o jithethembua ji laúka ku diulu, jinguzu ja maúlu ji tunguta.

Marku 15:33

Ku bhixila mu ola ia mediia, kua bhiti usuku ku thandu dia oxi ioso kate mu ola ia kavua.

Nzuá 13:7

Jezú uixi: Kioso ki nga-lu bhanga, eie ki kia kutetulukila luua; maji hadia u kʼ ijiia.

Matendelelu 33:26

Kazola kami, kana-ku muthu ua di fu ni Nzambi ié! Ukanduka maúlu mu kuiza ku ku banda; o unéne uê u di-leka-na-u ku matuta moso ma beta kuia bhulu.

Jihebeleu 12:26

Muène mu thembuʼomo dizui diê dia tungutisile oxi, maji-phe kindalʼiki muène uambe kiki: Hinu ngi ki tona dingi lumoxi o kutungutisa oxi, maji ki iene ubheka uê, katé ni diulu.

II Phetele 3:10

Maji kizuua kia Ngana-phe, hinu kʼiza kala kʼiza o muii. Mu kizuuʼokio o maulu ma kà jimuka ni mutendu ua dikota, ima ioso ia moneka ku mesu iala mu dimbinza, ia kà jokota ku tubhia. O oxi ni imbamba iê ioso iala-mu, ia kà jimuka.

Dijingunuinu 20:11

Kia bhiti imʼíii, nga mono kiandu kia dikota kizela, ni muène ua xikama-bhu. O mu kulenga pholo iê, oxi ni diulu ia jimuka, ki ia moneka dingi ku mesu.