Jisálamu 18:7 - O Mikanda Ikola

⁷ Bhenhobho ixi i tunguta, hé i teketa; madisesa ma milundu ma setuka bhu kididi; kua teketa mukonda njinda ia mu kuata.

Jisálamu 18:7 Iomraidhean Croise

Jisálamu 34:16

Pholo ia Jihova i luualela oso a bhanga phulu, phala ku a vuza mu ngongo, ka xale kijimbuete.

Jisálamu 34:18

Jihova ua zukama kua iá a toloka miẋima, u bhulula oso a talamana mu nzumbi.

Jisálamu 39:13

Ngi sosoluele hanji, ngi tambule kilunji; ngi dividile kithangana kioso kia ngi xala-ku hanji, mu kutunda kulu dia mundu.

Jisálamu 40:2

Ua ngi zaula ue mu dikungu dia kubhondalala, ua ngi tombola mu diloua diòmbama; ua ngi tula inama bhu ditadi, phala makànda mami ma diate kiá bhua kolo.

Jisálamu 46:2

Kienhiki, ki tu kala ni uoma, né-mbe oxi izamba, mba milundu iê i suetuka katé mu kaẋi ka musanza ua kalunga.

Jelemiia 4:24

Tala, nga kengelela milundu, nga i mono i teketa; o malundu me moso ma di nhika-nhika.

Habakuke 3:10

O milundu ia ku mono, ì ia teketa; kua bhiti kihungulule kia menha; o dikungu dia mukiukuluku, ki di moneka hole, a dʼivu dízui diê ni kuleka muene o maku mê bhulu.

Habakuke 3:6

Uemana, anga u kala mu kuzonga ixi; ua tale, iu ua uanununa o miji; o milundu iòkulu i sekumuka anga i kituka fufuta, o tu-thuthulundu tua makulu ni makombe, tu senguluka, anga tu jikinina, maji o jinjila ja Nzambi ja kaiela-ku.

Zakadiia 14:4

Mu kizuuʼokio-phe, inama iê ia kà tula ku mulundu ua Midiva, ua lulama ni Jeluzaleme ku mbandu ia Mutundila-Kumbi; o mulundu ua Midiva a kà u jikula muʼaxaxe, mbandu iii kuthunda, o mbandu ia mukuá ku luiji; kienhókio bhua kà kala dikôlo dia dikota kinéne bhuʼaxaxe; anga mbandu ia muvimba ia mulundu ia kà uanunukina ku Suku o ia mukuá ku Sulu.

Matesu 28:2

Talesa-phe, oxi ia tungutile kiavulu. Mukonda anju ia Ngana ia tulukile ku diulu, iu ueza, ua kundumuna o ditadi, hé u xikama-ku.

Jipoxolo 4:31

Ki a zubha kusamba, o kididi kia di bhongoluela, kia tunguta. Ene oso anga ezala ni Nzumbi Ikôla, hé andeka kutanga o maka ma Ngana ni kúbhua uôma.

I Kolindo 13:2

Se ngi kala ni uhete ua upolofeta, katé o ijinganu ioso nga ijiia, o kuijiia kuoso nga ku zubha; se ngi kala ni kuxikana kuoso, katé ngi tena kusondolola o milundu bhu ididi iê, maji ngi kamba o henda, ki ngi kala ngi kima.

Matendelelu 32:22

Kuma kiene ki ngalʼiki njinda iami iauama túbhia, tua kà uama muene, katé tua bhiẋila mu jihota joso ja mukiukuluku; phala kubuikisa oxi ni funza iê ioso; ni ku jikatesa o madisesa ma milundu.

Afundixi 5:4

Há! Eie u Jihova, ki ua tundile ku Seíle, ki ua kuata kuenda mu mukáu ua Edomo, oxi ia tunguta, katé ni maúlu ma zenzama ni kumbomba menha, o matuta mavundu ma sonona menha.