Jisálamu 18:6 - O Mikanda Ikola

⁶ O mu kubhondalala kuami anga ngʼixana Jihova, ngi dikola muene kua Nzambi iami; muene anga u ngʼivua dízui tunde mu Tembulu iê, kudikola kuami kua mu bhixila mu mátui.

Jisálamu 18:6 Iomraidhean Croise

II Samuuele 22:7

Mu kutata kuami anga ngi dikola kua Jihova; ngi handekela muene kua Nzambi iami! Muene anga u ngʼivua tunde mu tembulu iê, kudikola kuami kua mu bhixila mu mátui.

II Malunda 30:27

Bhenhobho, ni jinganga ni jilevita a balumuka anga a bhana o kizediuise ku kifuxi kioso; anga a evua o dízui diâ; kuma o musambu uâ ua bhixila muene katé mu kididi kikôla kia Nzambi, ku diulu.

Jisálamu 11:4

Jihova-phe uala hanji mu Tembulu ie ikôla; Jihova kiandu kiê kia xikama ku diulu; mesuʼê a tono muene ni kengelela, o ibhebhetela iê iala mù tonginina kiambote anʼatu mu ngongo.

Jisálamu 120:1

Mu kubhondalala kuami nga dikola kua Jihova, muene iú ua ngʼivu.

Jisálamu 34:15

Mesu ma Jihova ma lûngu kua iá aiuka, o mátui mê mala kuividila kioso kia di kola.

Jisálamu 5:7

Maji eme-phe, mu kudielela o henda ié iavulu kinéne, ngala ni disesa dia kubokona monzo ié; ngi bhixila ni uoma mu ta pholo bhoxi bhu kanga dia Tembulu ié ikôla.

Jisálamu 50:15

Nda u dikola ko kuami, mu kizuua ki kuiza o kutata; eme ngi ku kudila, eie anga u kala ni ku ngi ximana.

Jisálamu 55:5

Kua ngʼiza kubhuuama ni kuteketa, nga bhondalala ni kikote!

Makatukilu 2:23

Mu kubhanga-phe izuua iavulu, muenexiʼa Ijitu u fua; anʼa Izalaiele anga a kema mukonda dia ubhika uavulu, a dikola, o kudikola kuâ anga ku banda kua Nzambi, mukonda dia ubhika uavulu.

Habakuke 2:20

Jihova-phe uenʼiê mu Tembulu iê ikôla; ixi ioso i dixibhe bhu pholo iê.

Marku 14:36

Anga u kala mu samba, uixi: Abha Tata! Eie ima ioso ua i tena. Dikáu didi dia phaxi, ngi katule-diu. Maji-phe ki ngʼinda eme kana, inda ki uinda eie.

Jipoxolo 12:5

Kienʼiki Phetele a mu jikila mu ʼaleia, ni ku mu langa ku masoladi. Maji o Ngeleja-phe a mu sambela kua Ngana ni kujiza.

Dijingunuinu 11:19

Tembulu ia Nzambi iene mu diulu anga a i jikula bhenhobho, o álaka ia kikutu kiê anga i moneka mu Tembulu. Anga ku kala jinzaji, ni mazui, ni inuminu, ni kizema-zema kia ʼxi, ni mvula iavulu ia matadi.