Jisálamu 16:7 - O Mikanda Ikola

⁷ Nga sakidila Jihova ua ngi bhana phangu; katé ni muẋima mu usuku ua ngi longo kilunji.

Jisálamu 16:7 Iomraidhean Croise

Jisálamu 119:148

Ngi fula kilu mu usuku, né ola kiluua i bhana, mbebhu o kuxinganeka o maka mé.

Jisálamu 119:55

Dijina dié, u Jihova, ngi di xinganeka muene ni mu usuku, o ngonge ié nga i te ku muẋima.

Jisálamu 119:7

Ngi ku sakidila, Ngana, ni muẋima uemana nzanza, se nga zubha ku di longa o ifundisu ié iatetuluka.

Jisálamu 17:3

Eie ua lola kiá muẋima uami; ua ngi tokuesa mu usuku; ua ngi sale, maji kua ngi mono isenga; nga dixibhʼami, kanu diami ki dia tondala.

Jisálamu 22:2

Nzambi iami, tata, ngala kuila ngi dikola mu muanha, eie-phe kua ngi suu; ni mu usuku ngi dikola, ki ngene kudixibha, maji eie ku ngʼivu.

Jisálamu 42:8

Suke kiene, maji Jihova-phe kà kamba kutuma o kulenduka kuê mu muanha; o mu usuku ngi kala jinga ni muimbu uê, u kala musambu ua kubheza Nzambi ia muenhu uami.

Jisálamu 63:6

Kioso ki ngi ku ta muẋima, bhu hama iami bhu nga zeka ngi kala mu ku ku xinganeka, ki ngi tona mu ithangana ia usuku.

Jisálamu 73:21

Kioso mu thulu ki mua ngi xitile, kia ngi katele ku muẋima kala songo ia ngi toma mu miongo.

Jisálamu 73:24

Eie u ngi bhana kaiula kioso ki ngenda jinga kunu, hádia u ngi tambule mu kibúta kibenha ni fuma.

Jisálamu 77:2

Bhu kizuua kiami kia kubhondalala, nga soto Ngana; mu usuku maku mami ma sununuka kua muene sé ngó kusuka; muenhu uami moxi ki ua xikina kutululuka.

Jisálamu 77:6

Ngi lembalala hanji o mukumbi uami, mu usuku ngi kunzama ni kuxinganeka, ngʼibhula maka, ngixi:

Jisabhu 8:14

O phangu ni ndongo, ni unjimu ua kidi, u i sanga kokuami; eme ngi kilunji, ni undanda eme ngene na-u.

Izaía 26:9

Mʼusuku uenhú, nga ku-indi mu muenhu uami; ni nzumbi ia ngi kala moxi, nga-nda ku dimeneka ku ku sota; kuma matetuluilu mé nʼa kala mu ngongo, akua-xi kulu dia mundu a di-longa o kidi.

Izaía 48:17

Jihova, Mubhuludi ué, o Dilemba dia Izalaiele, uambe kiki: Eme Jihova Nzambi ié, u ku longa kioso kia uabha, hé u ku endesa mu njila i ua fuama kuenda mu ku di-tela.

Izaía 50:4

Jihova Nzambi ua ngi bhana dimi dia uanji, phala uoso ua bhuila ngʼijiie ku mu tela tumaka tua mbote tu mu nhohesa bhu thembu ia tokala; muene mukua ku ngi phaphumuna imene ioso, uphaphumuna dítui diami ni dʼivue, kala ki kala a-di-longi.

Jelemiia 12:2

Eie ua a phaphe, ene ia a te jindanji; ia a suluka muene ku pholo, kuma a bhana ibundu; eie uala muene mu kanu diâ, maji uala dikanga ku miẋima iâ.

Jelemiia 17:10

Eme ngi Jihova eme ngi solokota o muẋima, eme ngi tungula o ilunji; ngi ki bhangela-phe kumona o futu ia tokala kubhana kala muthu kia fuama ku mauendelu mê, ni kia fuama ku ibundu ia ibhangelu iê.

Luka 6:12

Izuua ieneʼoio Jezú anga uia ku mulundu mu kusamba; anga u fula kilu mu usuku uoso ni kusambela Nzambi.

Dijingunuinu 2:23

Anʼê ngʼa jibha ni dibhebhu, Jingeleja joso anga jʼijiie kuma ememuène ngi tungula o jihânji ni miẋima ia athu. Hinu enu oso ngi mi uanena o futu ioso ia tokala mu imbamba ienu i mu bhanga.