Jisálamu 15:2 - O Mikanda Ikola

² U kala muthu ua tenena mu kuenda kuê, mukua kukalakala ima iaiuka, u tanga kidi ni ku muẋima.

Jisálamu 15:2 Iomraidhean Croise

Jisálamu 24:4

Uoso makuʼê a mu zele, o muẋima uê uabhu ufusa; ua kambe kukaiela ulalu, ka xikina kuloka mu kunganala mukuá.

Jisálamu 84:11

Kuma Jihova Nzambi muene dikumbi dietu, ngubu ietu; Jihova u tu bhana kiadi ni ujitu; kana kima kiemina, athu enda ni muẋima uazele.

Jisabhu 20:7

Muthu ua iuka, uendela mu kuiuka kuê, ió kuzediua u ku xila anʼê, muene kia tunda-ku.

Jisabhu 28:18

Muthu uoso uenda ni muẋima ua iuka, hinu ua kà bhuluka; maji o ua kuata-phe mauendelu ma bhangalala, kà nanga kúfua mu dikungu.

Izaía 33:15

Kikale uoso uenda ni kuiuka, ni ió u zuela ima iafuama o kidi; uoso u texi dikanga o nganhu ijila mu ku bhûnda, uoso ka xikina kitadi kioso-kioso kia diminhinu bhu maku mê; uoso u xita o mátui mê phala kʼevue maka ma kubhubhisa manhinga, anga u jika o mesu mê phala ka mone ima ia-ibha,

Izaía 63:8

Kuma muene uambele, kuila: Ene povo iami mu kidi, ana ka tange makutu, kiene kia di-bhangela Mubhuludi uâ.

Mikeia 2:7

Kifua enu mua tokala ku mʼixana exi: Mu dibhata dia Jakobo, o Nzumbi ia Ngana, manhi ki muala naiu dingi? Manhi ima i muala kubhanga, iene ia fuama? Mbé ki kienhiki ki bhangesa kuila ió uoso uenda ni kuiuka maka mami ma mu bhanga mbote?

Luka 1:6

Kiiadi kiâ anga a kala athu aiuka bhu pholo ia Nzambi, athu a kuenda mu itumu ioso ni ijila ia Ngana, sé kima ki tokala ku a bazela.

Jipoxolo 10:35

Maji ku akua jixi joso, uoso u mu xila muène, hé u bhanga ioso iaiuka, Muène u mu tambulula.

Loma 2:10

Maji Nzambi ua ká bhana o fuma ni ujitu, ni kutululuka kua uoso mukua kubhanga kiambote, ku dianga o Judé, hé ku kaiela ió ki Judé.

Ngalásia 2:14

Eme-phe ki nga mono kuma kala kuenda kia iuka kala kia fuama mu kidi kia Njimbu Iambote, ngʼambelele Phetele bhu pholo ia ene oso, ngixi: Eie uala u Judé, se ua tambulula kiá kikexilu kia umatumbu, o kia ujudé kana dingi, phala-hi u bhinjika dingi o matumbu kukuata ujudé?

Efezo 2:10

Kuma etu tuala tu ufunu ua Nzambi muene, ua tu kalakela mua Kristu Jezú phala tu kale mù bhanga imbamba iambote, ioso ia tu iudikila Nzambi muène, phala tu kale mù kuendela-mu.

Efezo 4:25

Uila kiki, ki mu tange jinge dingi makutu. Maji mu di tangela jinga o kidi kala muthu ni mukuâ. Kuma etu oso tua di bhange tu idiandu ku mukutu ua Kristu.

Kolose 3:9

Kana ku di tela makutu mudienu, kuma o muthu Uokulu mua mu zula kiá ni ifua iê,

Jihebeleu 11:33

Athu edile mu kuxikana kuâ, a tolola ilômbo ia muvimba. A iukisa milonga, hé a tambula o jipolomesa ja Nzambi. A xita o makanu ma jihoji.

I Nzuá 2:29

O kiedi muene Kristu mua mu ijiia kuma muthu uaiuka, mu kʼijiia ue kuma uoso u bhanga ima iaiuka, muène muthu a mu vuala kua Nzambi.

I Nzuá 2:6

Uoso-phe u amba uixi: Ngala mu kisangela kumoxi ni Nzambi, u fuama kuenda ma tu sukula o ituxi ioso.

I Nzuá 3:7

Enu, tuana tuami, ki mu ehele muthu ku mi jimbidisa! Uoso u bhanga ima iaiuka, muène muthu ua kuiuka, kala kia iuka muène Kristu.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.