Jisálamu 149:9 - O Mikanda Ikola

⁹ Mbé ku a bhanga kioso kia tokala mu kuêla kuâ kuòsoneke; kiene o kijingo kia akua kikutu kiê, o athuʼê angene. Ximanenu Jihova.

Jisálamu 149:9 Iomraidhean Croise

Jisálamu 137:8

Eie-phe ue u Babilónha, hinu a ku bhanga-kiu; u lungê ió uoso u ku bhanga ki ua tu bhange etu.

Jisálamu 148:14

Lumbinga lua povo iê ua lu bhana dingi nguzu, kia bhangesa akua kikutu kiê ku mu ximana; ene anʼê a Izalaiele, ene o mundu uê a mu zukama. Ximanenu Jihova!

Izekiiele 28:26

A kà tunga momo ni kukondama, a tunga a soma, anga a kà bhanga mabhata, a kà kuna mivide; kiene muene, a kà tunga ni kukondama, kioso eme ki nga-nda kufundisa ene oso a muia ni kunhana mu jimbandu jâ; hé a kà kʼijiia kuila eme ngi Jihova, ngi Nzambi iâ.

Mikeia 5:14

O mixitu ikôla iala muʼaxaxi ké, nga kà i vuza; o jisanzala jé nga kâ ji muangamuanga.

Matendelelu 32:41

Se ngedi ngi zuika o mukuale uami, uedi léko, ni ngi te lukuaku luami mu kubatula o milonga, ngi tata phonzo ku thandu dia jinguma jami, oso a ngi zemba ngʼa bhana o futu iâ.

Dijingunuinu 3:21

Uoso u tolola, ngi mu bhana o kuxikama nʼeme bhu kiandu kiami, uila eme ki nga tolola, eme nga xikama ni Tata iami bhu kiandu kiê.